УИХ-ын чуулганы нэгдсэн хуралдаан өнөөдөр болж байна. Хуралдаанаар өнөөдөр Хүүхэд хамгааллын хуулийн талаар хэлэлцлээ.

             Энэ үеэр УИХ-ын гишүүн Д.Сарангэрэл "УИХ дахь 13 эмэгтэй бол хүүхэд хамгааллын чиглэлд онцгойлон анхаарч ажилладаг. Тэр дундаа Б.Баярсайхан гишүүн хүүхэд хамгаалалын асуудал, Б.Жаргалмаа гишүүн ахмадын асуудал гээд дор бүрнээ сэдвийн асуудлаа хувиарлаж аваад ажилладаг. Нэг ёсондоо Хүүхэд хамгааллын хууль УИХ-ын 13 эмэгтэйн автортой хууль. С.Одонтуяа дарга ахлан Хүүхэд хамгааллын хуулийг шинэчлэн найруулах, өөрчлөх асуудлыг дэвшүүлж тавиад, бид өргөн барьсан. Нэг хэсэг энэ хуулийн төсөл Хууль зүй яам, Хөдөлмөр нийгмийн хамгааллын яам гээд харьяалал нь тодорхойгүй явж байгаад Хөдөлмөр нийгмийн хамгааллын яам Засгийн газрын шугамаар өргөн бариад өнөөдөр хэлэлцэгдэхээр орж ирж байна. Энэ хуулийн төсөлд бид эхнээс нь ажилласан учир дэмжиж байгаа. Хэдхэн хоногийн өмнө гал гарч зургаан ам бүлтэй айлын дөрвөн хүн нас барж, Онцгой байдлын албан хаагч болон талийгаачийн гэр бүлийн хүний эгч нь хамт амиа алдсан байдаг. Өнөөдрийн байдлаар энэ гэр бүлийн нөхцөл байдал их хүнд байгаа. Хайхрамж, болгоомжгүйн улмаас бусдын эд хөрөнгөд хохирол учруулсан, энэ хохирлыг барагдуул гэсэн том дарамтад ороод байж байна. Хөдөлмөр нийгмийн хамгааллын сайд, хүүхэдтэй холбоотой бүх байгууллагын төлөөллын ажилтнууд энэ асуудалд хариулт өгөөсэй гэж хүсэж байна. Өнөөдөр энэ улс хүни хохирлыг барагдуулах нь битгий гэл өөрсдөө орон гэргүй болсон байгаа. Хөдөлмөр нийгмийн хамгааллын байцаагчид энэ гэр бүл дээр очсон уу.  Энэ асуудлыг яах вэ. Дээрээс нь 10 давхар байрны орцны айлууд тортогтой болсон, амьдрах аргагүй орчин нөхцөлтэй байна гэсэн шаардлагыг тавьсан байна. Ийм нөхцөлд төр ямар арга хэмжээ авдаг юм бэ. Энэ гэр бүл, тухайн орон сууцыг хэрхэн анхаарч байна вэ" гэв.

          ГЭР БҮЛ, ХҮҮХЭД, ЗАЛУУЧУУДЫН ГАЗРЫН ДАРГА ӨЛЗИЙ-ОТОГ: Үнэхээр харамсалтай зүйл болсон. Мөн давхар харамсалтай нэг зүйл нь Сүхбаатар дүүргийн Гэр бүл, залуучуудын газрын мэргэжилтэн тус байрны зургаан давхарт амьдардаг байсан хүн хүүхдийн амь аврах гэж дөрвөн давхрын айл руу ороод, угаарт хордож амиа алдсан байна. Бид гэрийн аюулгүй орчныг хангаж чиглэлээр "Хамтдаа шалгая, хамгаалья" гэсэн чиглэлээр сарын хугацаанд аян өрнүүлсэн. Мөн "Миний гэрийн аюулгүй орчин" гэх бусад видео, шторк түгээж ажилласан. Одоогоор тухайн айлд Хан-Уул дүүргийн Гэр бүл, хүүхэд, залуучуудын газрын хүмүүс очиж ажиллаж байна. Эхний ээлжид сэдвийн зөвлөгөө өгөх, гэр бүлийн гишүүдтэй уулзах, хүүхэд хамгааллын мэргэжлийн ангиуд ажиллах, төлөвлөгөө гаргаж орон нутгийн хэлтэс ажиллаж байгаа.