Нүүрсний хоёр дахь сонсголд "Бодь Интернэшнл" группийн үүсгэн байгуулагч Д.Баясгалан гэрчээр оролцлоо.

        УИХ-ЫН ГИШҮҮН Т.ДОРЖХАНД: Тухайн үеийн Ерөнхийлөгч танд санал тавьсан юм байна гэсэн мэдээлэлтэй байгаа. Үр дүнд нь 187.6 сая ам.долларын ажил та хүлээж аваад, нөгөө талдаа хийсэн ажлын мөнгө нь буюу 219.8 сая ам.долларыг хөгжлийн банкнаас санхүүжүүлсэн. Энэ асуудлыг банк, санхүүтэй юм чинь таныг шидээрэй гэсэн ойлголттой байгаа. Тийм ч болохоор нууцалсан байх. Тэгэхээр Засгийн газар, Ерөнхийлөгч хоёрын хэн нь танд санал тавьсан. Хөгжлийн банкнаас авсан 219.8 сая ам.доллараа төлсөн үү.

         "БОДЬ ИНТЕРНЭШНЛ" ГРУППИЙН ҮҮСГЭН БАЙГУУЛАГЧ Д.БАЯСГАЛАН: Энэ төслийг хэрэгжүүлэх саналыг Засгийн газар тавьсан. Монгол Улсын Ерөнхийлөгч байсан Х.Баттулгатай холбох гээд байх шиг байна. Тэр хүн "Гашуун сухайт төмөр зам" гэж ярихаасаа жийрхдэг болсон байсан. Тиймээс ч Зүүнбаян төмөр замыг эхлүүлсэн байх. Хүмүүс нууцад аваад, төсвийг хэд дахин нэмээд, санхүүжилт гэж хэсэг мөнгө аваад нуусан гэж ойлгодог. Тэгэхээр нууцад авсан цорын ганц шалтгаан бол шууд гэрээ байгуулах эрх нь өсдөг. Бидэнд 2013 оны батлагдсан, магадласан төсвөөр энэ асуудлыг 30 цагийн дотор дуусгах хатуу үүргийг тухайн үеийн Засгийн газрын тэргүүн өгсөн.