Нүүрсний сонсголд Зүүнбаян чиглэлийн төмөр замын ажлыг гүйцэтгэн, тухайн үед хариуцаж байсан удирдлагуудаас хариулт авч байгаа юм.

        Энэ үеэр УИХ-ын гишүүн Г.Ганболд  "Зүүнбаян төмөр зам бол өнөөдрийн байдлаар эдийн засгийн ямар ч ашиггүй зам. Өнөөдрийн байлаар энэ төмөр замаар  "Тавантолгой түлш" ХХК-ийн сайжруулсан түлшний мидлинг зөөх л ажил хийж байна. Манайхан ТЭЗҮ гэж хэдэн зузаан өнгөтэй цаас хийж мөнгө олдог нь бүх төсөл дээр харагдаж байна. Зүүнбаян төмөр зам дээр 2011 онд 5.6 сая долларын ТЭЗҮ хийгээд, 2019 онд 9.1 сая долларын ТЭЗҮ дахиж хийгээд, дахиад 2019 онд "Тавантолгой -Зүүнбаян" ТЭЗҮ тодотгол хийж байна. Зүүнбаян чиглэлийн төмөр замыг Зэвсэгт хүчин хамгийн хямд өртгөөр барьж байгаа гээд тухайн үеийн Ерөнхийлөгч Х.Баттулга өдөр бүр шахуу очоод байсан. Өнөөдөр ингээд харахаар 11.8 хувийг нь л хийсэн байгаа юм. Төмөр замын баталгаатай бүтээн байгуулалт болсон гэхэд хэн баталгааг нь өнөөдөр хангаж өгөх вэ. Тухайн үед ажиллаж байсан Зэвсэгт хүчний анги нэгдлүүдэд Төмөр замын мэргэжлийн хэдэн хүн байсан юм. Тэр хүмүүс өмнө нь  хаана Төмөр зам тавьж байсан бэ" гэв.