Нүүрсний хэргийг хянан шалгах хоёр дахь шатны сонсгол дөрөв дэх өдрөө үргэлжилж байна. Энэ үеэр Зүүнбаян чиглэлийн төмөр замын ажлын гүйцэтгэлийн талаар Барилга инженерийн удирдах газрын дарга Д.Жаргалсайхан сонсголд гэрчээр оролцлоо.

       Тэрбээр "Барилгын инженерийн удирдах газрын даргаар 2019 оны аравдугаар сард томилогдсон. Зэвсэгт хүчний есөн анги нэгтгэл ажилласан. Газар шорооны ажлын 26 хувийг Зэвсэгт хүчин дангаараа, 74 хувийг аж ахуй нэгж гүйцэтгэсэн. Зэвсэгт хүчин ажил хүлээж авахдаа ерөнхий гүйцэтгэгчээр ажилласан бол 58 аж ахуй нэгж манай дээр туслан гүйцэтгэгчээр ажилласан. Бид энэ хугацаанд бол 24 цагаар ажиллаж байсан. Төмөр замын ерөнхий гүйцтгэгчээр Улаанбаатар төмөр зам ажиллаж байсан хэр нь гол ажлыг Зэвсэгт хүчин хийсэн. Эндээс Зэвсэгт хүчний үүрэг оролцоо ямар байсан нь ойлгомжтой байгаа" гэв.