Эрчим хүчний хязгаарлалтын талаар Эрчим хүчний сайд Б.Чойжилсүрэн мэдээлэл өглөө. Тэрбээр "Өнгөрсөн даваа гарагт оргил ачааллын цагаар төвийн эрчим хүчний системийн хэрэглээ 1618 мвт болсон. Тэр үед хэрэглэгч дунд 20-30 квт-ын хязгаарлалт хийсэн. Энэ нь манай хэрэглээ хэт өсөж байгаагаас шалтгаалж байна. ОХУ эрчим хүчээ хэвийн нийлүүлж байгаа. Гадаа хүйтэрч -30 хэм хүрч хүйтэрч байгаа нь эрчим хүчний хэрэглээнд нөлөөлж байна. Хүйтнээс болоод салхин цахилгаан станцуудын нийлүүлэлт багассан. Салхины цахилгаан станцуудаас болоод хязгаарлах эсэхийг урьдчилан таамаглах боломжгүй байгаа юм.  

Ирэх хагас сайн өдрөөс эхлээд гадна агаарын температур нэмэгдэхээр байна. Нэг хэмээр нэмэгдэхэд төвийн эрчим хүчин дээр 12 мвт ачаалал нэмэгдэж байна. Шаардлагатай бол эрчим хүчийг 1-3 цагаар хязгаарлах бүрэн эрхийг Диспечерийн үндэсний төвд шилжүүлсэн. Диспечерийн үндэсний төвөөс зарим хэсгүүдэд хязгаарлалт хийсэн үе бий. Мөн хүйтрэхтэй холбоотой богино хугацааны гэмтлүүд гарч байна. Өнгөрсөн жил цахилгааны үнийг нэмсэн. Иргэдийн амьжиргааны түвшин болон инфляц тогтворжвол цахилгааны үнийг нэмнэ" гэлээ.