Засгийн газрын хуралдаанаас гаргасан шийдвэрийг танилцууллаа. Өнөөдрийн хуралдаанаар 30 гаруй асуудлыг хэлэлцүүлэн шийдвэрлэсэн байна.

Засгийн газрын хуралдаанаар өвөлжилтийн бэлтгэл ажилтай холбоотой асуудлын талаар Шадар сайд С.Амарсайхан мэдээлэл хийлээ. Тэрбээр "Өнгөрсөн долоо хоногт УОК-ын гишүүдийн хамт өвөлжиль хүндэрсэн аймгуудад ажлаад ирлээ. 10 гаруй аймгийн 90  гаруй сум цагаан зудын эрсдэлтэй байна. Өнгөрсөн долоо хоногийн Засгийн газрын хуралдаанаар малчдын бойлж ирсэн махыг зах зээлд оруулах дотоодын болон экспортын хэмжээг хангах шийдвэр гаргасан. Улмаар малчдаас мах худалдан авах 100 тэрбум төгрөгийн санхүүжилтийг шийдвэрлэсэн. Үүний хүрээнд малчдын махыг зах зээлийн үнээр худалдан авах, явуулын худалдаа хийх үүрэг даалгавар өгсөн. Түүнчлэн тэжээлийн экспортыг зогсоож, дотоодын хэрэгцээг 100 хувь хангах үүрэг өглөө. Ингэснээр малчид үйлдвэрийн үнээр тэжээлээ худалдан авах боломжтой болж байна. Өвөлжилтийн нөхцөл байдал хүндэрч байгаатай холбоотой төрийн бүх байгууллагуудыг оролцуулсан шуурхай штаб байгуулсан" гэлээ.