Хянан шалгах түр хорооны нотлох баримтыг шинжлэн судлах нээлттэй сонсголын хоёр дахь үе шатын үдээс хойших сонсгол эхэллээ.

Энэ үеэр УИХ-ын гишүүн Ш.Адьшааг гэрчээр дуудан ороцлууллаа.

УИХ-ЫН ГИШҮҮН Ш.АДЬШАА: Өнөөдөр энэ сонсголд ард түмнийг хүндлээд ирсэн. Би 2005 онд Гаалийн албанаас чөлөөлөгдсөн. 2012 оноос хойш манай ах дүү болон хамаатан садан "Эрдэнэс Тавантолгой"-гоос нүүрс хулгай хийсэн бйол хуулийн хариуцлага хүлээхэд бэлэн байна. Үүнийг би ард түмэнд гишүүний хувьд хариуцлагатай мэдэгдэж байна. Нүүрсний хулгай сонсгол зорилгоосоо хазайчихлаа. Б.Энхбаяр сайд жижиг Тавантолгойн асуудлаар гэрчээр дуудсан. Гэтэл тэр нь худлаа байсан бөгөөд намайг оролцуулаагүй. 

ТҮР ХОРООНЫ ДАРГА Б.ЭНХБАЯР: Өмнө сонсгол дээр ИТХ-ын дарга н.Жаргалсайхан гэдэг хүн орсон. Та энэ хүнтэй нүүрс тээврийн компани эзэмшдэг юм байна. Таны зөвлөхөөр ажиллаж байсан Ш.Мөнхцэцэг компани дээр 680 С зөвшөөрөлтэй, 52 мянган тонн нүүрс гаалийн бүрдүүлэлтгүй гарсан байна. Мөн 21 мянган тонн нүүрс гаалийн бүрдүүлэлтгүй гарсан. Зүүн хөхий  компани дээр мөн найман удаа 759 тонн нүүрс гаалийн бүрдүүлэлтгүй гарсан гэдэг мэдээлэл байна. Нүүрсний жагсаал болсноос хойш зургаа дахь хоног дээр нь та зөвлөхөө чөлөөлсөн байгаа юм.

УИХ-ЫН ГИШҮҮН Ш.АДЬШАА: Би Ш.Мөнхцэцэгийг ямар компанитай гэдгээр нь зөвлөхөөр томилоогүй гадаад сургууль төгссөн. Англи, Орос хэлтэй учраас би хуулийн төсөл боловсруулах гэж хажуудаа авсан. Би Гаалийн даргаа чөлөөлөгдөөд амьдрахын тулд олон бизнес хийсэн. 2012 онд компаниа зарсаныхаа төлөө УИХ-ын гишүүн болчихоод ялтан болчихно гэж бодоогүй. 2010 онд гаалийн хяналтын бүсийн талбай барьсан нь үнэн. "Эрдэнэс Тавантолгой" нүүрсийг анх буулгаж байсан нь ч үнэн. Ингээд 2012 онд үүнийгээ зарчихсан. Бусад компанийн талаар би мэдэхгүй байна. Би нүүрсний сонсголд ямар асуудлаар гэрчээр дуудсан талаар асууж, албан бичиг явуулсан ч нэг удаа ч хариу өгөөгүй. Өнөөдөр хүрээд ирсэн чинь нүүрс тээврийн 20 компанитай болчихсон байна.