Хянан шалгах түр хорооны нотлох баримтыг шинжлэн судлах нээлттэй сонсголын хоёр дахь үе шат өнөөдөр /2023.12.18/ болж байна. Өнөөдрийн нотлох баримтыг шинжлэн судлах сонсголоор “Эрдэнэс таван толгой” ХК болон "Тавантолгой" ХК-ийн тээврийн үйл ажиллагаа, нүүрсний экспорт, нүүрс тээврийн "С" зөвшөөрөлтэй холбоотой асуудал, гааль, хилийн цэргийн албан хаагч нартай холбоотой асуудлаар нотлох баримтыг шинжлэн судалж, шинжээчийн дүгнэлт, хянан шалгагч нарын тайланг сонсож, шаардлагатай бичмэл нотлох баримтуудыг танилцуулж, холбогдох гэрчүүдээс асуулт асууж, хариулт аван, гэрч, шинжээч, хянан шалгагчаас тайлбар авч байна. Сонсголын эхэнд "Эрдэнэс Тавантолгой" ХК-ны оффтейк гэрээтэй холбоотой шинжээчийн дүгнэлтийг танилцууллаа.
ТҮР ХОРООНЫ ДАРГА Б.ЭНХБАЯР: Өнөөдөр эхлээд 40 их наядын учрыг олох гэж танилуулга хийсэн юм. Үндсэн хулгай руу орохын тулд 40 их наяд хаанаас гарч ирсэн бэ гэдгийг ярих гэсэн юм. Энэ хүрээнд Х.Доржханд гишүүнийг гэрчээр дуудаж асуусан. Хуулийн байгууллага мөн прокурорын зөвшөөрөлтэй гэрчээр дуудсан байсан. 440 их наяд гэх асуудлыг С.Ганбаатар гишүүн ярьсан. Энэ мөнгийг хаанаас гаргаад ирсэн юм бэ.
УИХ-ЫН ГИШҮҮН С.ГАНБААТАР: Б.Энхбаяр гишүүн ээ, би хэвлэл мэдээлэл дээр ярьж байсан тоо баримтыг дурдсан. Хэвлээр гаргасан мэдээлэл нь 40 их наяд нөгөө хэсэг нь 440 их наяд гэж яриад байна гэж хэлсэн. Үүний араас 40 их наяд гэдэг бол 400 сая хонь. Нэг их наяд гэдэг чинь 10 сая хонь, 10000 мянган төгрөгөөр ярихад таван сая хонь гэсэн үг. Ард түмэнд би ямар их хулгай явж байгаа вэ гэдгийг ойлгуулах гэж ярьсан. Хэдэн мянган тонн нүүрс гарч байна. Цагдаа, гаалийнхан нь хаана байсан юм бэ. Эрх баригчдын хулгай хэрээс хэтэрсэн гэдэг санаа ойлгуулах гэсэн юм. Эрх баригч нар сайд нар гарын үсэг зурж хулгайлсан хулгай гэж би хардаг.
ТҮР ХОРООНЫ ДАРГА Б.ЭНХБАЯР: 440 их наяд гэдэг тоо байна уу. Эсвэл та тэр үед сэтгэл хөдлөлөөр Х.Доржхандын хэлсэн тоон дээр 0 нэмээд хэлчихсэн юм уу.
УИХ-ЫН ГИШҮҮН С.ГАНБААТАР: Тухайн үед интернэтээр явсан тоог хэлсэн. Энэ бол агуу том хулгай, мянганы хулгай гэж хэлсэн.
ТҮР ХОРООНЫ ДАРГА Б.ЭНХБАЯР: Энэ бол ярианы хүч оруулсан гэж хэлж байна уу
УИХ-ЫН ГИШҮҮН С.ГАНБААТАР: Та өөрийнхөөрөө ярьж болно.
Б.ЭНХБАЯР: С.ГАНБААТАР ГИШҮҮН ЭЭ, 440 ИХ НАЯД ГЭДЭГ ТООГ СЭТГЭЛ ХӨДЛӨЛӨӨРӨӨ ГАРГААД ИРСЭН ЮМ УУ |
|
2024-05-18 21:37:18
2024-05-18 16:39:26
2024-05-18 16:10:14
2024-05-18 15:42:38
2024-05-18 13:14:44
2024-05-18 13:00:00
2024-05-18 12:51:17
2024-05-18 11:54:40
2024-05-18 07:00:00
2024-05-18 07:00:00
2024-05-18 07:00:00
2024-05-18 07:00:00
2024-05-18 07:00:00
2024-05-18 07:00:00
2024-05-18 06:00:00
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц |
7509-1188 |