Нийслэлийн Засаг дарга бөгөөд Улаанбаатар хотын захирагч Х.Нямбаатар замын хөдөлгөөнд зохицуулалт хийх болсон талаар мэдээлэл өглөө.

Тэрбээр "Нийслэлийн Засаг даргын захирамжаар 2023 оны арванхоёрдугаар сарын 18-наас 2024 оны хоёрдугаар сарын 1 хүртэл тэгш, сондгой горимоор замын хөдөлгөөнд зохицуулалт хийнэ. Улмаар Улаанбаатар болон нийслэлийн төр захиргааны байгууллагуудыг ирэх долоо хоногоос цахимаар ажиллуулахаар Засгийн газар төсөл боловсруулж байна. Мөн хүүхдийг осол эндэгдлээс хамгаалах зорилгоор Хөдөлмөр нийгмийн хамгааллын яам, нийслэлийн Засаг даргатай хамтарсан ажлыг хэсэг байгуулж, эргүүл хийх ажлын хэсэг гаргана. Автомашины хөдөлгөөнийг тэгш, сондгойгоор зорчуулах хэд хэдэн шалтгаан бий. Бид Улаанбаатар хотын хэмжээнд авто зам дээр давс, цацах ажлыг шөнө, өглөө, өдөр гэсэн хуваарьтай цацаж байгаа. Гэвч хөрсөн дээр хасах 42 хэм хүрч хүйтэрч байгаа учраас төдийлөн үр дүнд хүрэхгүй байна. Гулгаа арилахгүй байгаа учраас түгжрэл үүсэж байгаа. Тиймээс ийм арга хэмжээ авахаас өөр арга алга" гэлээ.