УИХ-ын нэгдсэн чуулган хуралдаж байна. Энэ үеэр УИХ-ын гишүүн Б.Энх-Амгалан мэдээлэл өглөө.

                Тэрбээр “Энэ төсөл хоёр удаа буцсан. Эхний удаа Засгийн газрын гишүүд саналаа нэгтгэлгүй оруулж ирсэн. Хоёр дахь удаа бид Байнгын хороодын саналыг нэгтгэж, гэрээнд тусгаж есөн чиглэл өгсөн. Уг чиглэлийн зургаа дээр эмэгтэй малчдын платформд оролцох сургалтыг дэмжих гэсэн зүйл заалт байсан. Үүнийг хасах чиглэл өгч, төсөл санаачлагч хасаж оруулж ирсэн. Хоёрдугаарт Засгийн газрын өрийн тухай хуулийн төсвийн тухай шаардлагад нийцүүлэх ёстой.  Мөн ам долларын ханш 21.5 хувиар суларсан энэ үед цаашдаа өрийн дарамт нэмэгдэхвий үүнийг онцгой анхаар. Эдийн засгийн үр өгөөжийг тооцож, зураг төслөө нарийвчилж оруулж ирэх ёстой зэрэг шаардлагыг тавьсан.

                Өмнөговь аймгийн замд 2018 онд 7.4 тэрбум төгрөг, 2019 онд 9.3 тэрбум төгрөгөөр тус тус засвар хийгдсэн. Одоо дахиад энэ замд засвар хийх шаардлагатай гэж тэр нутгаас сонгогдсон гишүүн нь санал тавьсан. Уг зам дээр утаагүй түлш зөөдөг хүнд даацын машин явдаг. Үүнээсээ болж эвдрээд байгаа гэж хуралдааны үеэр хэлсэн. Хэлэлцээрт орохдоо Зам, Тээврийн Хөгжлийн Яам анхаарч үзье гэх асуудал яригдсан” гэлээ.