УИХ-ын чуулган хуралдаж байна. Чуулган эхлэхээс өмнө үг хэлэх хүсэлт гаргасан гишүүдийн үгийн сонсож байна. Энэ үеэр УИХ-ын гишүүн С.Ганбаатар гишүүн үг хэллээ.

          Тэрбээр “УИХ, Засгийн газар хийх ёстой юм байвал хийсэн байх ёстой цаг үе. Миний хэлэхийг хүссэн нэг зүйл байна. Жижиг юм гэж битгий бодоорой. Ордны хаалган дээр зургаан сар суусан эмэгтэйтэй уулзлаа. Юу болсон талаар нь тодруулахад төрийн буруутай үйл ажиллагаанаас болоод хохирсон гэдгээ хэлж байна. Машин дотроо зургаан сар амьдарсан гэж байна. н.Энхцэцэг бүсгүйн үгийг би дамжуулж байна. УИХ-ын дарга аа ордны гадаа сууж байгаа эмэгтэйтэй уулзаад өгөөч. Н.Өнөрцэцэг сэтгүүлч өлсгөлөн зарлаж эхэллээ. Би хувь хүний тухай яриагүй. Энэ асуудал дээр би ямар ч байсан сэтгүүлчийн зөв гэж харж байгаа. Хүний эрхийн хууль тогтоомжийн хэрэгжилтийн талаар УИХ дээр сонсгол хийх хэрэгтэй. Ингэхгүй бол нийгэм хоёр хуваагдчихаад байна. Сайд нар эрх мэдлээ хэтрүүлж, хүний эрх зөрчиж байх вий” гэв.