Нүүрсний хоёр дахь өдрийн сонголд нүүрсний хэрэгтэй холбоотой долоон гишүүнийг гэрчээр дуудсан билээ.

         Тэгвэл энэ талаар Ардчилсан намын дарга Л.Гантөмөр байр суурь илэрхийллээ. Тэрбээр “Нүүрсний сонсгол бол улстөржүүлж байгаа зүйл. Би болон миний эхнэр нэг халбага ч нүүрс зарсан хэрэг байхгүй. Хууль зүйн сайд Б.Энхбаяр улстөржүүлсэн яриа хийсэн. Бидний гишүүд нийлээд клуб байгуулсан нь үнэн. Гэхдээ одоогоор нэг ч ажил хийгээгүй байна. Клубийн захирлаар тавигдсан залуу нь Б.Баярсайхан гишүүний туслах байгаа юм. Тэр залуу өөр нэг компанид нүүрсний гэрээ хийх гэж оролдсон байгаа юм. Түүнийг намайг хийлгэсэн мэтээр гүтгэж байна. Манай хэвлэлийнхэн манай эхнэрийг нүүрсний гэрээ хийж байна гэж дэгсдүүлж, түгээж байна. Тэгэхээр нэг халбага ч нүүрсэд ойртоогүй намайг гүтгэж байгаа юм чинь цаана нь Ардчилсан намын олон гишүүнийг энэ хэлэлцүүлгийн хүрээнд гүтгэж, доромжилж, нэр  төрд нь халдах гэж байгааг бид эсэргүүцэж байна. Сонсголыг дэмжинэ. Сонсголын үр дүнд хил дээр бүртгэлгүй гарсан нүүрсийг хэн гаргасан бэ гэдэг эзэн олдох ёстой. Түүнийг илрүүлсэн Гаалийн байцаагчийг очиж яриулах хэрэгтэй” гэв.