Нүүрсний сонсгол хоёр дахь өдрөө үргэлжилж байна.

 УИХ-ЫН ГИШҮҮН Ж.БАТ-ЭРДЭНЭ: Хоёр асуудал анхаарал татаж байна. Үүний нэг нь нүүрсний борлуулалттай асуудал. “Тавантолгой” ХК-ийн 2015-2022 онд борлуулсан нийт нүүрсний тоо хэмжээг ашиглалтын үйл ажиллагааны тайлан, АМНАТ-ын тайлан хоёр 362 мянган тонн нүүрсний зөрүүтэй байна гэсэн. Ашиглалтын үйл ажиллагааны тайлан, Амнатын тайлангийн дүн программын дататай харьцуулахад, 3.7-4.5 сая төгрөгийн нүүрсээр зөрсөн. Энэ тоо баримтыг тайлбарлаж өгөөч?

Р.СЭДДОРЖ: Гэрээний дүн, тоо хэмжээ, явсан хэмжээ хоёр байнга зөрөх ёстой. Тухайлбал, гэрээ нэг сая тонноор хийсэн байхад, тухайн компани 800 мянгаар авсан байна. Тэгвэл 200 мянган төгрөгийн зөрүү эндээс гарна гэсэн үг.  Харин нэг сая төгрөгийн гэрээ хийгээд 1.2 мянга авсан байж байж болохгүй. Дээрээс нь дотоодын нүүрс борлуулалтын гэрээ байдаг. Тухайн компани 1966 оноос хойш Дорноговь аймгийн Хатанбулаг, Мандах, Дундговь аймгийн урд талын бүх сумдууд, Өмнөговь аймгийн сумдуудад дотоодын эрчим хүчний нүүрс, уурын зуухны нүүрсийг олгож эхэлсэн. Энэ бол 2013-2022 оны арваннэгдүгээр сар хүртэл 1.363 мянган тонн нүүрсийг уурын зуухнуудад олгосон байдаг. Тэгэхээр ашиглалтын үйл ажиллагааны тайлан, АМНАТ-ын тайлан хоёрын тоо зөрсөн гээд байгаа асуудал бол Гаалийн ерөнхий газраас гарсан зүйл. Мөн Татварын ерөнхий газар бүртгэж байгаа. Мөн томилгоо орд газраас Улаанбаатар хот руу дотоодын нүүрс их борлуулагддаг. Эдгээр компани Замын-Үүдийн боомтоор экспортоо зарсан байхыг үгүйсгэхгүй. Энэ бүхнийг ялгаж салгаж тооцоо гаргавал зүгээр байх.