Нүүрсний сонсгол хоёр дахь өдрөө үргэлжилж байна.

 ХЯНАН ШАЛГАХ ТҮР ХОРООНЫ ДАРГА Б.ЭНХБАЯР: Ханбогд” сумын Засаг дарга Х.Нэхийт шинжээчийн дүгнэлтэд гарч байгаа захирамжууд таны гарын үсэгтэй захирамж мөн байна уу?

Х.НЭХИЙТ: Захирамжид гарсан гарын үсэг бүгд мөн. Би гурван жил энэ суманд Засаг даргаар ажиллаж байна. Нэг ч гадаад компанид газар олгоогүй. Үе үеийн Засаг дарга нар ч олгоогүй гэж ойлгож байгаа.

ХЯНАН ШАЛГАХ ТҮР ХОРООНЫ ДАРГА Б.ЭНХБАЯР: Жижиг “Тавантолгой” ХК  нүүрс ачилт, буулгалтын талбай худалдан авах тендер зарлаж байсан байна. Энд таны олгосон газар эзэмших эрхийн гэрчилгээтэй компаниуд үнийн санал өгч оролцож байсан байна. Өөрөөр хэлбэл, нэг га газрыг нэг тэрбум төгрөгөөр үнэлж, зардаг юм байна гэсэн үг. Газар эзэмших эрхийг зардаг уу, худалдан борлуулдаг уу?

-Х.НЭХИЙТ: Тухайн газар эзэмшигч аж ахуй нэгж бусдад шилжүүлэх эрх нь нээлттэй.

-ХЯНАН ШАЛГАХ ТҮР ХОРООНЫ ДАРГА Б.ЭНХБАЯР: Газар зэмших эрхийг худалдан борлуулах хуулиар зөвшөөрөгдсөн үү?

-Х.НЭХИЙТ: Болохгүй гэсэн зүйл байхгүй. “Тавантолгой” ХК 10 тэрбумаар зарласан юм билээ.

-ХЯНАН ШАЛГАХ ТҮР ХОРООНЫ ДАРГА Б.ЭНХБАЯР: Таны захирамжаар олгосон газрууд зах зээлийн дээр нэг га газрыг нэг тэрбумаар олгодог гэх ханштайг илтгэж байгаа нотлох баримт байна. Та захирамж гарган энэ олон газрыг зарахдаа мөнгө авч байсан уу?

-Х.НЭХИЙТ: Надад мөнгө авсан асуудал байхгүй. Харьцангуй буруу ойлголт. Эдгээр компаниуд олон жил үйл ажиллагаа явуулсан, газраа үнэлэмжтэй болгосон, тодорхой хэмжээнд газраа үнэлэмжтэй болгосон байдлаараа газраа үнэлсэн байх. Мөн “Тавантолгой” ХК өөрөө газраа 10 тэрбум гэж зарласан асуудал бий.