Түгжрэлийг бууруулах автобусны тендерийн талаар УИХ-ын гишүүн Б.Дэлгэрсайхан мэдээлэл хийлээ.

         Тэрбээр “Үндэсний хороонд ордог 40 гаруй байгууллага гишүүдийг цуглуулж ээлжилт хурлаа 2023 оны арванхоёр дугаар сарын 1-нд хийсэн. Улаанбаатар хотын түгжрэлийг бууруулах ойрын зорилго бол нийслэлийн нийтийн тээврийн хүртээмжийг нэмж, автомашины хэрэглээг зүй зохистой зохицуулах юм. Нийтийн тээврийн хүртээмжийг нэмэгдүүлэх асуудлаар Улаанбаатар хотын шинэ удирдлагатай хамтран анхаарал хандуулан ажиллаж байна. Мөн Нийслэлийн засаг даргын тамгын газрын, Түүний харъяа агентлаг, замын газар, Нийтийн тээврийн газрууд хамтран ажиллаж байгаа бөгөөд Үндэсний хорооны дэргэд орон тооны бус мэргэжлийн зөвлөл байгуулж байна. Энэхүү зөвлөл нь түгжрэлтэй холбоотой ажлыг гардан ажиллаж байгаа мэргэжлийн байгууллагуудын удирдлагуудыг оруулаад ажлын албаны даргаараа ахлуулаад түгжрэлийг бууруулах ажлыг шуурхай зохион байгуулж байгаа.

      Түгжрэлийг бууруулах чиглэлээр цаашдаа хэрэгжүүлэх арга хэмжээнээс онцолбол, түгжрэлийг бууруулах ажилд оролцож байгаа төр болон төрийн хувийн хэвшлийн түншин дээр оролцож байгаа бусад байгууллагын үйл ажиллагаанд олон нийтийн хяналтыг нэмэгдүүлж, олон нийтийг мэдээллээр хангах зорилгоор Үндэсний хорооны дэргэд иргэний хяналтын зөвлөлийг байгуулахаар шийдвэрлэсэн, ойрын хугацаанд авч ажилуулахаар бодож байгаа. Нийтийн тээвэр худалдан авах тендэр амжилттай явагдсан. Энэ долоо хоноготоо аль нэг оролцогч талаас ямар нэгэн маргаан, гомдол санал гарахгүй бол энэ нь баталгаажаад энэ оны арванхоёрдугаар сарын 11-нд шалгарсан байгуулага нь гэрээгээ байгуулаад автобусаа нийлүүлж эхлэх болно. Цаашид шинэ автобус ямар маршрутаар явуулах талаар Үндэсний хорооны гишүүдтэй зөвлөлдөж зөвлөмж гаргасан байгаа. 2024 оны нэгдүгээр сарын 1-с автобусны чиглэлийг өөрчилж, богино тойрогтой нэг чиглэлийн болгож дамжин сууна. Автобусны төлбөрийн картын хувьд эхний суусан автобусны картын мэдээллээр дараа дараагийн автобусанд зорчих болно. Нийслэлийн авто замын түгжрэлийг буурлах, орон сууцжуулах хууль албан ёсоор батлагдсан. Үүнтэй холбоотой журам гаргаснаар ажлууд хэрэгжээд явах боломжтой юм.

Ахлах мэргэжилтэн Тамир “Үндэсний хорооны зүгээс түгжрэлийг бууруулах олон улсад автомашны дэг журмыг тогтоох чиглэлээр ажилладаг гурван И гэдэг зарчмыг баримтлан ажиллаж байгаа. Үүнд,

• Боловсрол олгох
• Инженерийн шийдэл гаргах
• Албадлагын гэсэн гурван зарчим байгаа.

Тэгэхээр жолооч нарын дүрмийг дахин сануулах хэрэгтэй. Уулзвар нэвтрэн гарах ачааллыг тэнцвэржүүлэх хүлээж авах чадварыг нэмэгдүүлэх ажлыг Автозам, замын хөдөлгөөний удирдлагын төв болон бусад төрөл бүрийн байгууллагуудтай хамтран ажиллаж байгаа” гэв.