Засгийн газрын өнөөдрийн хуралдаанаас гарсан шийдвэрийг танилцууллаа.  

           Энэ үеэр Засгийн газрын Хэрэг эрхлэх газрын дарга Д.Амарбаясгалан “Энэ оны зургадугаар сарын 1-нээс Хөдөлмөр нийгмийн хамгааллын яамд процессийн дахин инженерчлэлийн ажлыг зохион байгуулсан. Үүний үр дүнгээр тус яамны иргэдэд үзүүлдэг үйл ажиллагааны давхардал 50 хувь, цаасаар үзүүлдэг үйлчилгээ 70 хувь буурах зорилготой. Засгийн газрын өнөөдрийн хуралдаанаар энэ дүгнэлтийг Хөдөлмөр нийгмийн хамгааллын яамд яаралтай хэрэгжүүлж, нэвтрүүлэх үүрэг чиглэл, уг процессийн дахин инженерчлэлийн ажлыг эрүүл мэнд болон байгаль орчны салбарт зохион байгуулах үүргийг холбогдох ажлын хэсэгт өгсөн. Улмаар Ажлын хэсэг ирэх оны хоёрдугаар сард багтаан дүн танилцуулахаар болсон. Мөн Төрийн ажил үйлчилгээний талаарх бодит үнэлгээг "E Mongolia" системээр дамжуулж төр хүлээж авдаг байх тогтолцооны шийдвэрийг Цахим хөгжим, харилцаа холбооны яамд үүрэг болгосон" гэв.