Засгийн газрын өнөөдрийн хуралдаанаас гарсан шийдвэрийг танилцууллаа.  

           Энэ үеэр Засгийн газрын Хэрэг эрхлэх газрын дарга Д.Амарбаясгалан “Эрдэнэс Тавантолгой” ХК-ийн Бүрэн эрхэт төлөөлөгчийн ажиллах хугацааг ирэх дөрөвдүгээр сарын 29-н хүртэл сунгах шийдвэр гарлаа. Тус Бүрэн эрхэт төлөөлөгч томилсноос хойш буюу жилийн хугацаанд нийт дүнгээрээ 3.3 тэрбум ам.долларын үнэлгээтэй 32.8 сая тонн нүүрсийг борлуулсан байна. Мөн төсөвт гурван их наяд төгрөгийн татвар, хураамжийг төвлөрүүлжээ. Монгол Улсын хэмжээнд 2023 онд нийт экспортын нүүрсний хэмжээг 60 сая тонноор тооцсон бол арваннэгдүгээр сарын 20-ны байдлаар 62 тонн хүрсэн мэдээ гарсан. Тэгэхээр энэ оны гүйцэтгэлээр улсын хэмжээнд 65 саяас дээш тонн нүүрсийг гаргахаар байна. Харин ирэх онд  75-80 тонн нүүрс экспортод гаргах тооцоолол бий. “Эрдэнэс Тавантолгой” ХК-д онцгой дэглэм тогтоох байдлыг сунгаж байгаагийн учир нь, нүүрсийг биржээр зарж байгаа байдлыг тогтмолжуулах зайлшгүй шаардлагатай. Түүнчлэн олон улсын хөндлөнгийн аудитын байгууллагыг оруулж нэгдсэн дүгнэлт гаргах, цаашлаад олон улсын түвшний ур чадвартай менежерээр тус компанийг удирдуулдаг байх зорилготой байгаа" гэв.