УИХ дахь Ардчилсан намын бүлгээс Баялагийн сангийн тухай хуулийг өргөн барьж буй талаараа мэдээлэл өглөө.

         Энэ үеэр Ардчилсан намын дарга О.Цогтгэрэл “Иргэдийг өмчтэй болгоё, халамж тараадаг, үлдсэн хэсгээ улстөрчид нь зарцуулдаг тогтолцоог халья. Мөн ирээдүйдээ өр биш өв үлдээдэг тогтолцоо руу орьё, улсынхаа тогтвортой өсөлт рүү мөн хандмаар байна. Иргэн нь баян Монголын төлөө төрийн бодлого болон үндэсний баялагаа зарцуулья. Төр баян байж боллоо. Одоо иргэн нь баян байж улс хөгжих юм байна” гэв.  Харин Б.Пүрэвдорж гишүүн “Төр данхайх хэрээр Төрийн өмчийн компаниуд бий болж байгаа. Төрийн өмчийн компаниуд дээр хэн нэгэн их хурлын гишүүн, сайдын цүнх барьдаг хүмүүс очиж байгаа. Тэндээс хулгай дээрэм хийж, тэр компанийг дампууруулж, хувийн өмчөөс дор үздэг байдал хэрээс хэтэрсэн" гэлээ.