• Өнөөдөр 2025-04-24

Д.Энхбатыг УИХ-ын Тамгын газрын Ерөнхий нарийн бичгийн даргаар томилуулах саналыг дэмжлээ

2023-11-28,   573

УИХ-ын Төрийн байгуулалтын байнгын хорооны өнөөдрийн /2023.11.28/ хуралдаанаар УИХ-ын Тамгын газрын Ерөнхий нарийн бичгийн даргыг томилох асуудлыг хэлэлцэн, дэмжлээ. 
 
УИХ-ын Тамгын газрын Ерөнхий нарийн бичгийн даргаар ажиллаж байсан Л.Өлзийсайхан нь Үндсэн хуулийн Цэцийн гишүүнээр томилогдсон.  Иймд УИХ-ын дарга бүрэн эрхийнхээ хүрээнд Д.Энхбатыг тус албан тушаалд санал болгосон байна.
 
Д.Энхбат нь 1997 онд нийслэлийн 78 дугаар дунд сургууль, 2001 онд Монгол Улсын Их Сургуулийн Хууль зүйн дээд сургуулийг эрх зүйч мэргэжлээр төгссөн.
2008 онд Удирдлагын академийг Төрийн удирдлагын магистр, 2013 онд БНХАУ-ын Өвөр Монголын их сургуульд докторын зэрэг хамгаалсан.
2009-2017 онд УИХ-ын Тамгын газрын Хууль эрх зүйн хэлтэст зөвлөх, Байгаль орчин, хүнс, хөдөө аж ахуйн байнгын хорооны ахлах зөвлөх,
2017-2022 онд Засгийн газрын хэрэг эрхлэх газрын Хяналт-шалгалт, үнэлгээ, дотоод аудитын газар, Салбарын удирдлага, зохицуулалтын газарт Засгийн газрын ахлах референт
2022 онд УИХ-ын Тамгын газрын Хууль, эрх зүйн газрын хуралдаан зохион байгуулах хэлтсийн дарга, мөн оноос УИХ-ын Тамгын газрын Хууль, эрх зүйн газрын Байнгын хорооны асуудал хариуцсан хэлтсийн даргаар ажиллаж байгаа аж.
 
Тэрбээр төрийн албанд 15 жил, үүнээс УИХ-ын Тамгын газарт 11 дэх жилдээ ажиллаж байна. Түүнийг байнгын хорооны гишүүдийн олонхи нь саналыг дэмжсэн тул чуулганы нэгдсэн хуралдаанд оруулахаар боллоо.

Д.Энхбатыг УИХ-ын Тамгын газрын Ерөнхий нарийн бичгийн даргаар томилуулах саналыг дэмжлээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 5
  • Сэтгэгдэл үлдээсэн: 2023-11-29 06:23:56
    Сайн: Сайн байна
  • Сэтгэгдэл үлдээсэн: 2023-11-29 01:52:01
    S: S AWI80955877
  • Сэтгэгдэл үлдээсэн: 2023-11-28 21:08:08
    Ард: Дажгүй томилгоо байна.Сайн залуу
  • Сэтгэгдэл үлдээсэн: 2023-11-28 18:47:28
    Зочин: Даруухан зөөлөн сайн залуу даа.
  • Сэтгэгдэл үлдээсэн: 2023-11-28 18:35:37
    Zochin: Харваас дибиль царайтай нөхөр байна даа. Ккк
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.