УИХ-ын гишүүд Төрийн ордонд Б.Жаргалмаа гишүүний төрсөн өдрийг тэмдэглэж байна. Тухайлбал, УИХ-ын гишүүн Ж.Чинбүрэн, Эрүүл мэндийн сайд С.Чинзориг нарын нэр бүхий гишүүд түүний төрсөн өдрийг өрөөнд нь тэмдэглэж байгаа ажээ.

Тодруулбал, Б.Жаргалмаа гишүүний өрөөнөөс гарч ирсэн гишүүд “Төрсөн өдөр нь болж байна. Үдийн хоол идээд гарлаа” хэмээн хэвлэлийнхэнд тайлбарлаж байв.

Олон нийт Эх, нярай хүүхдийн үндэсний хоёрдугаар төвийн сувилагч 0-12 насны 21 хүүхдэд буруу тариа тарьснаас болж, татаж, бөөлжиж, сульдаж, унтаархаж, цөөнгүй хүүхдийнх нь амь нас дээсэн дөрөөн дээр дэнчигнэсэн эрсдэлтэй нөхцөл байдалд байхад гишүүд нэгнийхээ төрсөн өдрийг тэмдэглэж байгаад шүүмжлэлтэй хандаж байна. Мөн хариуцсан салбарт нь нөхцөл байдал хүндэрч, эмнэлгийн удирдлагууд, сувилагчдын хариуцлагагүйн асуудлаас гадна хүүхдүүдийн амь эрсдэх магадлал өндөр байхад Эрүүл мэндийн сайд С.Чинзориг төрсөн өдөр тэмдэглэж, зоог хэсээд явж байгаа нь олон нийтийн эгдүүцлийг төрүүлж байгаа аж.