Засгийн газрын хуралдаанаар нийслэлийн түгжрэлийг бууруулах, шинэ төсөл хөтөлбөрүүдийн талаар хэлэлцжээ. Тодруулбал, ирэх оноо нийслэлд метро барих ТЭЗҮ-ийг боловсруулах юм байна. Энэ талаар Түгжрэлийг бууруулах үндэсний хорооны дарга, сайд Б.Дэлгэрсайхан "Нийслэлд олон төрөлт нийтийн тээврийг нэвтрүүлэх, иргэдийн аюулгүй байдлыг хангах, багтаамж сайтай нийтийн тээврээр үйчлүүлэх зорилгоор  метротой болох асуудлыг өнгөрсөн удаагийн Засгийн газрын хуралдаанаар танилцуулсан.

Өнөөдрийн хуралдаанаар мертотой болох ТЭЗҮ-ийг боловсруулах үүрэг Засгийн газраас өглөө. Үүний зураг төслийг ойрын хуагцаанд хийнэ. Ингэхдээ нийслэлд ТЭЗҮ-г боловсруулах төсөв хөрөнгийг нь өгч, арванхоёрдугаар сардаа багтаан тендер зарлах юм. Үүний дараа барих, ашиглах, байгуулах ажлыг эхлүүлнэ. Мөн Амгалангаас Яармагийн дэнж хүртэл 22 км зайд метро барих төслийг эхлүүлнэ. Улмаар 2028 онд метро барих ажил дуусна гэсэн төлөвлөгөө гаргасан. ТЭЗҮ-ийг боловсруулахдаа өмнө нь манайд хийхээр төлөвлөж байсан ТЭЗҮ-д үндэслэж хийнэ. Э.Бат-Үүл даргын үед Жайка олон улсын байгууллагаар хийлгэсэн ТЭЗҮ бий" гэлээ.