Нийслэлийн Засаг дарга бөгөөд Улаанбаатар хотын захирагч Х.Нямбаатар цаг үеийн асуудлаар мэдээлэл өгсөн. Энэ үеэр Нийслэл Улаанбаатар хотын замын хөдөлгөөний түгжрэлийг бууруулах, гэр хорооллыг орон сууцжуулах тухай хуулийн төслийг УИХ-аар хэлэлцүүлж байгаа талаар мэдээлсэн юм. Тодруулбал, хуулийн төсөл батлагдснаар Баянхошуу, Сэлбэ дэд төв байгуулах төслийг ажлыг эхлүүлэх бөгөөд одоогийн III, IV хорооллоос хоёр дахин үржүүлсэнтэй тэнцүү хэмжээний том төсөл хэрэгжүүлэхээр төлөвлөөд байгаа юм байна.

Түүнчлэн хотын төвийн төвлөрлийг сааруулахад уг төсөл чухал ач холбогдолтой гэв. Тодруулбал, дээрх дэд төвүүдийг дагалдуулан  их сургуулиудыг нүүлгэн шилжүүлэх арга хэмжээ авах юм байна. Ингэхдээ Сэлбэ дэд төвийг дагуулан СУИС, Баянхошуу дэд төвийг дагуулан ШУТИС-ийг нүүлгэн шилжүүлэх төлөвлөгөө гаргаад байгаа гэнэ. Мөн дэд төв байгуулахдаа сургууль, цэцэрлэг, үйлчилгээний төвгүй хороолол хотхон баривал ипотекийн зээлд хамруулахгүй байх зохицуулалт тусгана гэдгийг онцоллоо.