УИХ дахь МАН-ын бүлгийн хуралдаанаар хэлэлцсэн асуудлыг танилцуулж байна. МАН-ын бүлгийн дарга Д.Тогтохсүрэн "Бүлгийн хуралдаанаар УИХ-ын есөн байнгын хорооны дарга нарын бүрэн эрхийн хугацаа дууссан учраас дараагийн дарга нарыг нэр дэвшүүлж, тодруулахад баримтлах зарчмыг хэлэлцэж тогтсон.  Хоёрдугаарт, нийслэлийн агаарын бохирдлыг бууруулах чиглэлээр нийслэлийн шинэ удирдлагууд ямар арга хэмжээ авах талаар ярилцлаа. 

Бүлгийн хуралдаанаар агаарын бохирдлыг бууруулахад дорвитой арга хэмжээ авах чиглэл өгсөн. Улсын төсвийг өргөн барихдаа Эрчим хүчний сайд дээр агаарын бохирдлыг бууруулах зардалд 25.8  тэрбум төгрөг суулгасан байсан. Агаарын бохирлыг бууруулах үндэсний хороог татан буулгаж, нийслэл рүү шилжүүлсэн. Тиймээ энэ 25 тэрбум төгрөгийг "Нийслэлийн агаарын бохирдлыг бууруулах төсөл" гэж тавьсан. Одоо БОАЖ-ын сайд эрхээ нийслэл рүү шилжүүлж болно.