Үндсэн хуулийн цэцийн гурван гишүүнийг УИХ томилж, Цэцийн даргын албыг хамгийн олон жил ажилласан ахмад гишүүн болох  Б.Буяндэлгэр орлон гүйцэтгэж байна. Үндсэн хуулийн цэцийн тухай хуульд зааснаар "Цэцийн даргын түр эзгүйд Цэцийн бүрэлдэхүүнд хамгийн удаан ажилласан гишүүн, хэрэв энэ шаардлагыг хэд хэдэн гишүүн нэгэн адил хангасан байвал тэдгээрийн хамгийн ахмад гишүүн Цэцийн даргын үүргийг түр орлон гүйцэтгэнэ" гэсний дагуу ийн Цэцийн гишүүн Б.Буяндэлгэр орлон гүйцэтгэгчээр ажиллаж байгаа юм. 

Тодруулбал, Үндсэн хуулийн Цэцийн есөн гишүүний хоёрынх нь бүрэн эрхийн хугацаа дуусч, нэг нь хугацаанаасаа өмнө бүрэн эрхээсээ чөлөөлөгдсөн. Цэцийн дарга Н.Чинбатын бүрэн эрхийн хугацаа өнгөрсөн зургаадугаар сарын 9-нд дууссан бол дарга асан Д.Одбаяр гишүүний бүрэн эрхийн хугацаа 2022 оны арваннэгдүгээр сарын 17-нд дууссан.

    Харин Цэцийн гишүүн Ц.Нанзаддорж өнгөрсөн зургаадугаар сард өөрийн хүсэлтээр бүрэн эрхээсээ чөлөөлөгдсөн. Улмаар УИХ-ын чуулганы нэгдсэн хуралдаанаар Цэцийн дарга Н.Чинбат, гишүүн Д.Одбаяр нарыг чөлөөлж, О.Мөнхсайхан, Л.Өлзийсайхан, Э.Энхтуяа нарыг Цэцийн гишүүнээр томилсон. 

     Тэгвэл Үндсэн хуулийн цэцийн даргыг томилох талаар хуульд ингэж заажээ.

1.Цэцийн даргаар сонгох хүний нэрийг Цэцийн гишүүд дотроосоо дэвшүүлэн хуралдаанаараа хэлэлцэж, саналыг нууцаар хурааж нийт гишүүний олонхийн санал авсан хүнийг сонгоно.