Нүүрсний хэрэгт яллагдагчаар татагдан шалгуулж байгаа УИХ-ын гишүүн Б.Энх-Амгалан мэдээлэл өглөө.

Тэрбээр "Хуулийн байгууллагаас дуудсан цагт нь очиж, мэдүүлгээ өгч байна. Гэм буруугүй гэдгээ нотлох баримтуудаа ч хүлээлгэн өгсөн байгаа. Орон нутгийн чанартай авто замыг улсын чанартай болгох нь сайдын бүрэн эрхийн асуудалд байдаг. Энэ ангилалыг хууль дүрмийн дагуу хийдэг. Ингэхдээ Засгийн газрын тогтоол, УИХ-ын тогтоол, Авто замын тухай хуулийг үндэслэн хуульд нийцүүлэн гаргасан. Би хууль зөрчөөгүй, хулгай хийгээгүй, худлаа мэдүүлээгүй. Надад УИХ-ын гишүүнээс татгалзах үндэслэл байхгүй. Намайг хуулийн байгууллагаас 2-3 удаа дуудаж мэдүүлэг авсан" гэлээ