Засгийн газрын хуралдаанаас гаргасан шийдвэрүүдийг танилцуулж байна. Энэ үеэр ХХАХҮ-ийн сайд  Л.Болорчулуун мэдээлэл өглөө.

      Тэрбээр “Энэ жил 456 мянган тонн үр тариа хураан авлаа. Үүнээс  435 мянган  тонн нь улаанбуудай байна. Мөн төмс 175 мянган тонн, хүнсний ногоо 183 мянган тонн хураасан. Үр тариа  өнгөрсөн оноос найман хувиар, хүнсний ногоо 23 хувиар  тус тус өссөн үзүүлэлттэй байна.  Малын тэжээлийг өнгөрсөн жилээс 45 мянган тонноор илүү бэлтгэсэн. Мөн 100 орчим мянган тонн улаанбуудайн ангилал  буурч, тэжээл рүү орлоо. Нийт хураан авсан үр тарианы 30 орчим хувь нь ангилал буурсан. Энэ нь үргэлжлэн орсон борооны улмаас шалтгаалсан.

Гэхдээ дотооддоо хангалттай ашиглах үр тариаг хураан авсан.  Энэ жилийн 14.2 га талбайн ургац гэдэг ойрын 7-8 жилдээ авааагүй их ургац юм. Мөн түүхэнд байхгүй их хүнсний ногоо, төмс хураан авлаа. Тариаланчдад зургаан хувийн хүүтэй зээл олгож, үрийн хямдрал өгч, тонн тутамд 100 мянган төгрөг олгосон нь тариаланчдад урам өгсөн гэж харж байгаа” гэлээ.