Засгийн газрын хуралдаанаар Худалдаа аж үйлдвэрийн танхимын тухай хуулийг шинэчлэн найруулахаар болж, хуулийн төсөл өргөн мэдүүлжээ.

   Энэ талаар МХАҮТ-ын гүйцэтгэх захирал Д.Энхтүвшин "Ерөнхий сайд өнгөрсөн долоо хоногт Засгийн газрын бүрэлдэхүүний хамт бизнес эрхлэгч нартай уулзсан. Эдийн засагт төрийн оролцоог багасгаж, хувийн байгууллагын оролцоог нэмэгдүүлэхийн тулд институц хооронд ярьдаг байх талаар ярьсан. Хувийн байгууллагууд дуу хоолойгоо нэгтгэхгүй, хувийн асуудлаа ярьдгаас болоод хамтын ажиллагааны үр дүн төдийлөн гарахгүй байна. Тиймээс бизнес эрхлэгчдийн дунд МХАҮТ нэлээд өргөн бүрэлдэхүүнтэй байдаг.

Танхимын хууль 1995 онд батлагдаж, хэд хэдэн удаа өөрчлөлт орсон ч орхигдож байгаа асуудал байна. Тухайлбал, төр, хувийн хэвшлийн хоорондын харилцааг нөхөх асуудал тулгамдаж байна. Танхимын хуулийг өөрчилснөөр эдийн засагт төрийн оролцоог багасгах юм.  Бизнес эрхлэгчдийн дунд гурван жил тутамд хийдэг судалгааг танилцуулсан. Судалгаанаас дөрөв, таван асуудал тулгамдаж байна.

Нэгдүгээрт, татварын орчин

Хоёрдугаарт, зээлийн олдоц болон зээлийн зардал

Гуравдугаарт, мэргэжлийн боловсон хүчин, тогтвортой ажиллах асуудал

Дөрөвдүгээрт, төрийн институц хоорондын уялдаа, авлига, хүнд сурталтай холбоотой асуудал тулгамдаж байна" гэлээ.