НИТХ-ын иргэдийн төлөөлөгч, “Зорчигч тээврийн нэгтгэл”-ийн дарга асан Г.Төмөрбаатарыг АТГ-аас шалгаж, цагдан хорьсон гэх мэдээлэл гараад буй. Тэгвэл энэ талаар АТГ-аас тодруулахад "Түүнийг саатуулаагүй, байж болзошгүй үндэслэлээр шалгаж эхэлсэн нь үнэн" гэх тайлбарыг өглөө. Хэргийг эргэн сануулахад Ерөнхий сайд асан Ч.Сайханбилэг рүү 2.8 сая ам.доллар шилжүүлсэн байж болзошгүй хэргээр шалгаж байгаа аж.

Тэрбээр “Автобус нэг” ОНӨААТҮГ”-ын даргаар ажиллаж байхдаа тус компанид хамаарал бүхий хүмүүсээ албан тушаалд томилж, ажлын байрандаа архидан согтуурдаг байсан гэх мэдээлэл бий. Мөн Г.Төмөрбаатар нь Завхан аймгийн Их-Уул сумын уугуул бөгөөд төрсөн ахынхаа хүү болох Ч.Батбаатар, хамаатан Д.Чадраабал, баз хүргэн Р.Энх-Амгалан зэрэг хамаарал бүхий хүмүүсээ сонгуульд нэр дэвшихэд нь нөлөөлж байсан гэдэг.