Ардчилсан намын бүлэг мэдээлэл хийж байна.

       Энэ үеэр УИХ-ын Н.Ганибал “Худалдан авч буй зүйлээ шууд гэрээгээр төрийн нууцад авч буй асуудлаас үүдээд Монгол Улсын нэр хүнд олон улсад унаад байна. 2016 онд авлигын индексээр 87 дугаар байрт байсан. Харин сүүлийн долоон жил 116 дугаар байранд байна. Өнөөдрийн төсвийн дагалдах хуулиуд, Нийслэлийн түгжрэлийг бууруулах, орон сууцжуулах тухай хууль бий. Үүнийг дагаж буй 27 хуулийн ихэнх нь авлигын индексийг дахин ухраахаар байна. Хэлж, анхааруулаад байхад л асуудлуудаа хуулийн төсөл дээрээ нэмээд ороод ирдэг. Эрх баригчид “Ухралт буцалтгүй социализм руу урагшаа” гэх уриаг биелүүлэхээр явж байгаа юм уу гэх хардлага төрж байна. Үнэхээр өнөөдөр Монгол Улсад метро хэрэгтэй, тойрог замууд, бол өнөөдөр 27.6 их наяд төгрөгийн төсөв дотроо оруулаад, энэ ажлыг хийх ёстой. Харамсалтай нь ингэж хийхгүйгээр Д.Сумъяабазарын үед олж илрүүлсэн Дорноговь аймгийн дөрвөн тоннын нөөцтэй нүүрсний ордыг Х.Нямбаатар цааш үргэлжлүүлээд явах юм гэнэ. Ингэхдээ саад болж байсан зүйлүүдийг хуулийн заалтаар өөрчилж байна” гэлээ.