УИХ-ын нэгдсэн чуулганы хуралдаан үргэлжилж байна. Хуралдаанаар Улаанбаатар хотын түгжрэлийг бууруулах, гэр хорооллыг орон сууцжуулах тухай хуулийн төсөл болон хамт өргөн мэдүүлсэн хуулиудыг хэлэлцэх эсэх асуудлыг хэлэлцэж байна. Энэ үеэр гишүүд асуулт асууж, хариулт авч байна.

     УИХ-ЫН гишүүн Х.Ганхуяг "Хот төлөвлөлтөө алдсан нь үнэн. Нарны хороолол гэхэд 20 мянга оршин суугчтай. Өглөө, оройгүй түгжирч байна. Орон сууцууд нь 20 гаруй давхар байгаа. Та нар бүс дээр үнийн тариф тогтоосон байна. Ер нь өндөржилт дээр хязгаар тогтоох эсэх. Аль хэсэгт өндөр байр барихыг тогтоох хэрэгтэй. Зарим улсад иргэдийн амьдрах газар, ажлын газар  гэж тусдаа байгуулж өгдөг. Амьдрах газрын ойр орчим түгжрэлгүй, сургууль цэцэрлэгтэй байдаг. Энэ хуулиар ямар зохицуулалт хийх үү. Цаашдаа ямар төлөвлөгөөтэй байна. Ерөнхий төлөвлөгөөг нь эргэж харж байгаа юу. Анх хотхон барихдаа ногоон бүс, сургууль, цэцэрлэг нь ийм байна гээд  л зураг төслөө баталгаажуулдаг. Тэгээд яг хийх болохоороо дан орон сууцаар л дүүргээд хаячихдаг. Үүнээс болоод шинэ үеийн түгжрэл, хот төлөвлөлтийн асуудал эхэлсэн.

    НИЙСЛЭЛИЙН ЗАСАГ ДАРГА БӨГӨӨД УЛААНБААТАР ХОТЫН ЗАСАГ ДАРГА Х.НЯМБААТАР "Улаанбаатар хотын 2040 он хүртэл хөгжүүлэх ерөнхий төлөвлөгөөний төслийн боловсруулалтын ажил төгсөх шатандаа ороод явж байгаа. Х.Ганхуяг гишүүний асууж байгаачлан барилгын өндөржилтийг 20 40-р тодотгон зохицуулж байна. Хуулиудын хоорондын уялдаагүй байдлаас үүдэн 20 40-д алдаа гарсан гэдгийг гаднын судлаач нар хэлж байгаа. Мөн Нийслэлийн бүтэц, төлөвлөлт, инженерийн байгууллагууд өөр хоорондын ажлын уялдаагүй, чиг үүргийн холбоогүй байдлаас болж 20/20 хэрэгжээгүй гэх дүгнэлт байдаг. Бид арванхоёрдугаар сардаа багтаж, Барилга хот байгуулалтын яамаар дамжуулан 20 40 шинэ  төлөвлөгөө орж ирнэ. Үүнд бүсчлэл, өндөржилттэй холбоотой нарийвчилсан хязгаарлалтууд орж ирнэ. Бидний өнөөдрийн өргөн барьсан хуульд хотын журамтай холбоотой шинэ өөрчлөлт орж ирж байгаа. Нийт барилгажих талбай 70/30 байсныг 60/40 болгож оруулж ирсэн. Энэ дүрмийг хангаагүй барилгын ажлыг эхлүүлэхгүй, УОК-д хүлээлгэж өгөхгүй. Цаашлаад инженерийн дэд бүтцээр хангахгүй байхыг холбогдох байгууллагад үүрэгжүүлж, байгууллага хоорондын ажлын уялдаг хангахын тулд тодорхой ажлууд хийж байгаа. Мөн Их тойрууд 1500 өндөр барилга нэмж барих А даалгавар бий. Энийг баривал энд эргэх зайгүй болно" гэв.