УИХ-ын чуулганы нэгдсэн хуралдаанаар 2024 оны төсвийн төслийн хоёрдугаар хэлэлцүүлэгийг хийж байна. Хэлэлцэж буй асуудалтай холбоотой УИХ-ын гишүүд асуулт асууж хариулт авлаа.

УИХ-ЫН ГИШҮҮН Т.ДОРЖХАНД: Ипотекийн зээлийг Засгийн газар руу шилжүүлсэн. Эдийн засаг хүнд байсан 2015-2017 онд өргөтгөл санхүүжилтийн хэлэлцээр хийгээд ОУВС-гаас мөнгө авч байсан. Эдийн засаг босоод ирсэн үед нь тохиролцоо байхгүй гэж ойлгогдож байна. Дэлхий дээр ипотекийн зээл өгдөг Төв банк гэж байхгүй шүү. Буруу бодлогыг үргэлжүүллээд яваад байдаг байдлаа хэзээ болих вэ. Хоёрдугаарт, Төв банк мөнгө хэвлэж тарааж эх үүсвэрийг нь бүрдүүлэх юм уу. Төсвөө тэлчихсэн, мөнгөний бодлого дээр орон зай байхгүй болчихсон. Ийм байдлаар явуул инфляцаа дийлэхгүй шүү дээ. Ирэх жил 14, 15 хувийн инфляцтай байх юм биш үү.

САНГИЙН САЙД Б.ЖАВХЛАН: Ирэх жил Төв банкны зорилтод түвшинд төсөв, мөнгөний бодлогоо нийцүүлэх ёстой. Төв банк зөвхөн оперотар хийнэ гэдгийг тодотгомоор юм уу. Хаанаас ч мөнгө хэвлэж нийлүүлэлт хийх шаардлагагүй болчихсон. 10 хэдэн жилийн хугацаанд дөрөв гаруй тэрбум төгрөгийн эх үүсвэр бүрдчихсэн. Сар болгон 30-40 тэрбум төгрөгийн эргэн төлөлт орж ирдэг. Үүүнийгээ эргүүлээд гаргаад байх боломж үүсчихсэн. Бид Дэлхийн банкны төсөл авчихсан байгаа. Засгийн газар ямар бүтцээр, ямар үүрэгтэй тогтвортой ипотекийн зээлээ хянаад авч явах вэ гэдэг асуудал бий. 

УИХ-ЫН ГИШҮҮН Т.ДОРЖХАНД: Зарим гишүүнээс мөнгө хэвлэх ёстой гэсэн санаачлага гараад байгаа юм билээ. Тийм зүйл байх ёсгүй шүү. Цалин тэтгэвэр нэмээд эдийн засгаа чирнэ шүү. Монголбанк дээрээ та бүхэн дөрвөн жил түгжсэн.

САНГИЙН САЙД Б.ЖАВХЛАН: Санал нийлж байна. Цаашид НОСК шиг институц байгуулагдах байх. Барилга, хот байгуулалтын яам болон Сангийн яам хариуцаад явж байна.

УИХ-ЫН ДАРГА Г.ЗАНДАНШАТАР: Төсвийн шинж чанартай үйл ажиллагааг Монголбанк санхүүжүүлэх ёсгүй. Дагалдах хуульд байгаа тогтоолыг хасна гэж ойглголоо. Сангийн сайд банканд ажиллаж байсан хэр нь Монголбанк хэвлэх машинтай мөнгө хэвлээд байдаг юм шиг зүйл яриад байна. ард түмний амьжиргаа үнийн өсөлтөд хэлмэгдэж байна. Ипотекийн зээл шууд ханшид нөлөөлнө.