-ЭРДЭНЭС ТАВАНТОЛГОЙ ХК-ИЙН БЭТ-Д НИЙСЛЭЛИЙН ЗАСАГ ДАРГА АСАН Д.СУМЪЯАБАЗАРЫН НЭР ЯРИГДАЖ БАЙГАА ГЭВ ҮҮ-

“Эрдэнэс Тавантолгой” ХК-ийн захирал асан Б.Ганхуягийг өнгөрсөн оны аравдугаар сард ажлаа хүлээлгэж өгсөн даруйд Засгийн газрын шийдвэрээр тус компанид онцгой дэглэм тогтоож, БЭТ томилсон билээ. Тодруулбал, Засгийн газрын шийдвэрээр Сангийн яамны Төрийн нарийн бичгийн дарга Ж.Ганбатыг “Эрдэнэс Тавантолгой” ХК-ийн БЭТ-өөр зургаан сарын хугацаатай томилон ажиллуулсан. Улмаар өнгөрсөн дөрөвдүгээр сарын 12-нд Ж.Ганбатын хугацааг зургаан сараар дахин сунгах шийдвэрийг УИХ гаргаж,  жилийн хугацаанд “Эрдэнэс Тавантолгой” ХК-д БЭТ-өөр ажилласан байдаг.

“Эрдэнэс Тавантолгой” ХК-д тэрбээр БЭТ-өөр ажиллах хугацаандаа удирдлагын бүрэлдүүнд өөрчлөлт оруулж, хэд хэдэн албан тушаалтныг ажлаас нь чөлөөлсөн. Мөн нэг жилийн хугацаанд 33 сая тонн нүүрсийг борлуулсан бөгөөд 55 удаагийн биржээр 7.3 сая тонн нүүрсийг арилжсан. Энэ хугацаанд төсөвт 2.7 их наяд төгрөгийн татварыг төлж, 1.7 тэрбум ам.долларыг Монголбанканд төвлөрүүлсэн гэх мэдээллийг өгөөд буй. Үндсэндээ Эрдэнэс Тавантолгой ХК-д БЭТ томилсон нь вальютын нөөцийг нэмэгдүүлж, экспортын хэмжээг нэмсэн үр дүнтэй ажил байсан гэдгийг өчигдөр ЗГХЭГ-ын дарга Д.Амарбаясгалан албан ёсоор мэдэгдлээ. Улмаар “Цаашид тус компанийн үйл ажиллагааг шинэ түвшинд гаргах тал дээр дахин ажиллахаар болж хуулийн дагуу арваннэгдүгээр сарын 26-наас дахин БЭТ ажиллуулах нь зүйтэй гэж үзсэн” хэмээн мэдэгдээд буй.

Ингэснээр  “Эрдэнэс Тавантолгой” ХК-ийн дараагийн БЭТ хэн байх вэ гэдэг марфон эхэллээ.

БЭТ томилох сургаар Сангийн яамны Төрийн нарийн бичгийн дарга Ж.Ганбатыг улираан томилж магадгүй гэх яриа МАН-ынхан дунд гараад эхэлжээ. Өөрөөр хэлбэл, өнгөрсөн хугацаанд ажилласан туршлага, хийсэн ажлыг нь цаашид үргэлжлүүлэх нь зүйтэй гэх санал гарсан гэх яриа МАН-ынхан дунд гарах болжээ. Түүнийг үргэжлүүлэн БЭТ-өөр ажиллуулбал, Төрийн нарийн бичгийн албан тушаалаас нь чөлөөлөх асуудалд ч хөндөгдөж мэдэх нь ээ.

Түүнчлэн “Эрдэнэс Тавантолгой” ХК-ийн  БЭТ-д нийслэлийн Засаг дарга асан Д.Сумъяабазарын нэр яригдаж эхэлсэн байна. Түүний хувьд нийтийн нийтийн тээвхийн шинэчлэлтэй холбоотойгоор ногоон автобусны асуудлаар албан тушаалаасаа чөлөөлөгдсөн билээ. Улмаар нийслэлийн Засаг даргын ажлаа хүлээлгэж өгсөн даруйдаа нийслэлийн МАН-ын үйл ажиллагаандаа төвлөрөн ажиллана гэдгээ албан ёсоор мэдэгдсэн билээ.