Засгийн газрын хуралдаанаас гаргасан шийдвэрийн танилцуулж байна. Хөдөлмөр, нийгмийн хамгааллын салбарт Засгийн газар процессын дахин инженерчлэлийн загварыг бий болгох ажлыг  эхлүүлэхээр болсон байна. Энэ талаар ЗГХЭГ-ын дарга Д.Амарбаясгалан "2023 оны тавдугаар сарын 24-нд шийдвэр гаргаж, ажлыг эхлүүлсэн. Таван сарын хугацаанд ажилласан  процессын дахин инженерчлэлийг хэрэгжүүлсэн баг өнөөдөр Засгийн газрын хуралдаанд үр дүнгээ танилцууллаа. Үүнийг төр үйлчилгээний байгууллага шиг иргэндээ хүрч ажиллах тогтолцооны өөрчлөлтийг хийхийг зорьсон. 

Иргэнд олон төрлийн үйлчилгээ үзүүлдэг хөдөлмөр, халамж, нийгмийн даатгалын цэгүүдийг сонгон авч, иргэдэд үйлчилэх боломжийг бүрдүүлж байна. Шинжилгээний баг 32 хүний бүрэлдэхүүнтэй баг ажиллаж, энэ салбар дахь эрсдэлийг тооцсон Хөдалмөр нийгмийн хамшгааллын салбарт 1900 гаруй эрсдэл байна.  Хүнд суртал, авлига, чанаргүй үйлчилгээ үзүүлж байгаа энэ үйл явцыг тодорхойлон гаргаж ирсэн. Цаашид хүн төвтэй үйлчилгээг үзүүлснээр төрийн үйлчилгээ бодитой болох юм. Канад Улс энэ үйлчилгээгээрээ тэргүүлж байна. Иргэнд 1:1-ийн харьцаатай үйлчилж байгаа. Харин Монголд нэг хүн таваас дээш төрийн байгууллагатай харьцаж байж үйлчилгээгээ авч байна" гэв.

Засгийн газрын Хяналт хэрэгжүүлэх газрын дарга Б.Баасандорж "Иргэд төрийн үйлчилгээг авахдаа яагаад олон шат дамжлага дамжаад байна вэ, үүнийг оновчтой тодорхойлох гэж энэ ажлыг эхлүүлж байгаа юм. Иргэн нэгээс илүү төрийн алба хаагч дамжихгүй төрийн үйлчилгээ авдаг байхаар хийж байгаа юм" гэв.