Засгийн газрын хуралдаанаас гаргасан шийдвэрийг танилцуулж байна. Хуралдаанаар хэлэлцсэн асуудлын талаар ЗГХЭГ-ын дарга Д.Амарбаясгалан мэдээлэл өглөө. Тэрбээр “Гадаад вальютын мөнгөн урсгалыг нэмэгдүүлэх Засгийн газрын тогтоол гарсан. Үүнтэй холбоотой уул уурхайн экспортыг нэмэгдүүлэхэд тодорхой үүрэг гүйцэтгэж байгаа “Эрдэнэс Тавантолгой компанид бүрэн эрхэт төлөөлөгч томилж ажиллаж байсан.

 Энэ бүрэн эрхэт төлөөлөгч нь хуулийн дагуу зургаан сарын хугацаанд ажилласан. Ажлын дүнг Их хуралд танилцуулж дахин зургаан сар томилох шийдвэр гарсан. Улмаар өнгөрсөн аравдугаар сард БЭТ-ийн хугацаа дуусаж, ажилласан хугацааны үйл ажиллагааны тайланг өнөөдөр Засгийн газрын хуралдаанаар сонслоо.

Улмаар БЭТ ажиллах хугацаандаа эдийн засагт үзүүлсэн үр нөлөө, вальютын нөөцийг нэмэгдүүлэхэд оруулсан хувь нэмрийг өндрөөр үнэллээ. Мөн тус компанийн үйл ажиллагааг шинэ түвшинд гаргах тал дээр дахин ажиллахаар болж хуулийн дагуу арваннэгдүгээр сарын 26-наас дахин БЭТ ажиллуулах нь зүйтэй гэж үзсэн. БЭТ-ийн санал болгосны дагуу дотоод хяналт шалгалт Аудитын газрын даргыг түр олон гүйцэтгэгчээр ажиллуулах Төлөөлөн удирдах зөвлөлийн шийдвэр гарсан” гэлээ.