МАН-ын намын бүлэг хуралдлаа. Хуралдаанаар нийслэлийн түгжрэлийг бууруулах хуулийн төслийн хэлэлцжээ. Энэ талаар МАН-ын бүлгийн дарга Д.Тогтохсүрэн мэдээлэл өглөө.

  Тэрбээр “Өнөөдөр нийслэлд тулгамдаж буй асуудал нь түгжрэл юм. Тийм учраас Хотын дарга Х.Нямбаатар ажлаа аваад, долоо хоног судлаад, хуулийн төслийг намын бүлэгтээ танилцууллаа. Өнөөдөр Засгийн газар энэ асуудлыг мөн хэлэлцэнэ.  Хотын түгжрэлийг бууруулах асуудлыг хуульчлах нь зөв юм аа гэж анхдагч хуулийн төслийг санаачилж, оруулж ирсэн байна. Энд гурван том зүйл багцаараа бий. Нэгдүгээрт түгжрэлийг бууруулах талаар олон асуудал тусгагдсан. Хоёрдугаарт татвар, хураамж байна. Дараа нь гэр хорооллыг хуулийн хүрээнд орон сууцжуулах орсон. Намын бүлэг энэ асуудлыг хараад ерөнхийд нь дэмжиж байна” гэлээ.