Цар тахлын онцгой байдлын үед Засгийн газраас авч хэрэгжүүлсэн төлөвлөгөө, төсөл хөтөлбөрүүдийн санхүүгийн зарцуулалт, гадаадын орнуудаас авсан зээл, тусламж, иргэн, аж ахуйн нэгжүүдийн хандив, тусламж болон тэдгээрийн орлого, зарлагыг нийтэд ил болгох тухай асуудлаарх Ерөнхий хяналтын сонсгол болж байна. Энэ үеэр УИХ-ын гишүүн, Сангийн сайд Б.Жавхлан үг хэллээ.

            Тэрбээр “Сонсгол хийнэ гэж төрийн албан хаагчид, хэвлэл мэдээллийнхнийг дуудчихаад улс төрийн мэдэгдэл хийгээд хойшлуулна гээд байх юм. Би энэ сонсголыг хийгээсэй гэж шаардаж байна. Бид их амархан мартчих юм. Хоёр жилийн өмнө их хүнд үеийг өнгөрүүлсэн. Эдийн засгийн байдал одоо ч хүнд хэвээрээ, сэргэж амжаагүй байна. Төрийн албан хаагчдыг зовоолгүй сонсголоо хийгээд, иргэдэд зөв мэдээлэл өгөх хэрэгтэй байна. Тэгэхгүй бол дараагийн ковид гарахад ажил хийх төрийн албан хаагч олдохгүй шүү. Тиймээс энэ сонсголыг яаралтай хийхийг шаардаж байна. Одоо байгаа мэдээлэл, байгаа бэлтгэл дээрээ сонсголоо хийх хэрэгтэй. Сангийн яамны зүгээс төсөвтэй холбоотой бүх мэдээллээр хангаж ажилласан, цаашид ч хангаж ажиллаад бэлэн байгаа. Хамгийн сайн хяналтыг иргэд тавьдаг. Хяналт тавиулахын тулд мэдээллээр нь хангаж, мэдэх эрхийг өгөх юм” гэв.