Цар тахлын онцгой байдлын үед Засгийн газраас авч хэрэгжүүлсэн төлөвлөгөө, төсөл хөтөлбөрүүдийн санхүүгийн зарцуулалт, гадаадын орнуудаас авсан зээл, тусламж, иргэн, аж ахуйн нэгжүүдийн хандив, тусламж болон тэдгээрийн орлого, зарлагыг нийтэд ил болгох тухай асуудлаарх Ерөнхий хяналтын сонсгол болж байна. Энэ үеэр Эрүүл мэндийн сайд С.Чинзориг үг хэллээ.

   Тэрбээр “Сонсголоо хийх гэж байна гэсэн хойшлуулчихлаа. Үнэн бодитой эсэх нь мэдэгдэхгүй тоонууд яриад олон нийтэд буруу мэдээлэл өгөөд байж болохгүй. Хэрвээ шаардлагатай бол шинжээч томилох хэрэгтэй. Шинжээчээ томилохгүй, сонсгол улс төржсөн мэдээлэл хийж байгаад харамсаж байна. УИХ-аас түр хороо байгуулаад, цар тахлын үед Засгийн газраас авч хэрэгжүүлсэн арга хэмжээ, үр дүн, санхүүжилтийг талаар сонссон. УИХ-д тайлангаа тавиад, албан ёсоор түр хороо татан буугдсан.  Сонсголоо ажил хэрэгч байдлаар хий, битгий улс төр болгоод бай. Тэр хүнд хэцүү үед иргэдийнхээ амь нас, эрүүл мэндийг хамгаалж байсан эмч нар болон салбарын нэр хүнд бий шүү. Хэрвээ явуулахгүй гэвэл битгий олон хүний ажил үрж, олон тоо ярихаа болимоор байна” гэлээ.