Засгийн газрын хуралдаанаас гарсан шийдвэрүүдийг танилцуулж байна. Энэ үеэр  Монголын Үндэсний Допингийн эсрэг байгууллагын ерөнхийлөгч Ц.Уугангэрэл мэдээлэл өглөө.

    Тэрбээр "Олон улсын допингийн эсрэг конвенцыг биелүүлэх асуудлыг Засгийн  газрын хуралдаанд хэлэлцэж, шийдвэрлэлээ. Гэхдээ байдал тийм ч хэцүү нөхцөлд очоогүй, стандарт шаардлага байдаг. Допингийн асуудлаа шийдвэрлэхгүй бол ирээдүйд "Цагаан туг" дор олимпод орж болзошгүй гэх шаардлагыг улс болгонд  тавьдаг. Энэ зөрчил бол шинжилгээтэй холбоотой. 2021 онд ковидоос үүдэлтэй шинжилгээнүүд нислэгээс шалтгаалж хоцорсон. Мөн олон улсын итгэмжлэгдсэн лабораторийн төлбөрийн асуудал байсан. Зургаан асуудлын нэг нь бүрэн шийдэгдээд дууссан. Одоо гурван асуудал  шийдэгдэх шатандаа явж байна. Энэ ондоо багтаж асуудлыг шийдвэрлэнэ" гэлээ.