Засгийн газрын хуралдаанаас гарсан шийдвэрүүдийг танилцуулж байна. Энэ үеэр Олимп, нийтийн биеийн тамир, спортын сайд Б.Бат-Эрдэнэ мэдээлэл өглөө.

  Тэрбээр “Азийн наадмын үеэр Дэлхийн допингийн эсрэг байгууллагын удирдах зөвлөлийн хурал болсон. Ази номхон далайн бүс хариуцсан захирал Ё.Хаяаши болон тус байгууллагын удирдлагуудтай уулзсан. Уулзалтаар “Монгол Улсын допингийн эсрэг үйл ажиллагаатай холбоотой хууль эрх зүйн зохиуцуулалтаа боловсруулангуй болгох шаардлага бий” гэж зөвлөсөн. Үүний дагуу өнөөдрийн Засгийн газрын хуралдаанаар бид саналаа орууллаа. Намрын чуулганд амжиж, Биеийн тамир, спортын тухай хуулийн шинэчилсэн найруулгыг батлуулна. Уг хуульд допингтой холбоотой бүлэг, заалт оруулна” гэлээ.