УИХ дахь МАН-ын бүлэг “Мөрдөн байцаалтын  нууцыг  задруулсан алба хаагч, ажилтанд оногдуулах ялыг чангатгах” заалттай холбоотой асуудлаар мэдээлэл өглөө.

           Энэ үеэр МАН-ын бүлгийн дарга Д.Тогтохсүрэн “Намрын чуулганаар гурван чиглэлд анхаарна. Нэгдүгээрт, хүний эрх, хүүхдийн эрх, гэр бүлийг хамгаалах чиглэлд эрх зүйн орчныг боловсронгуй болгох шаардлагатай хуулийг боловсронгуй болгох Ажлын хэсэг ажиллаж байна. Хоёрдугаарт, хот, хөдөөгийн тэнцвэртэй байдлыг хангах чиглэлээр хууль, эрх зүйн орчныг боловсронгуй болгох зайлшгүй шаардлага бий. Гуравдугаарт, хувийн хэвшлийг дэмжих, энэ хүрээнд үндэсний баялагийн санг боловсруулахдаа холбоотой асуудал байна.

2024 оны улсын төсвийг дагалдуулж нийт 21 хууль, найман тогтоол Засгийн газраас өргөн барьсан.

   Эдгээрийг бүлэг хэлэлцээд зарчмын хувьд хэлэлцэх эсэхийг дэмжих нь зүйтэй гэж үзлээ. Мөн МСНЭ-ээс МАН-ын бүлэгт санал тавьж, шаарлага хүргүүлсэн. Энэ хүрээнд МАН-ын бүлэг хуралдаад,УИХ-ын чуулганаар Эрүүгийн хуулийн нэмэлт өөрчлөлтийг хэлэлцэх үед нь Эрүүгийн хуулийн 21.9 дэх заалт буюу Мөрдөн байцаалтын нууц задруулсан албан хаагчдад оногдуулах ялыг чангатгах заалтыг хасахаар шийдвэрлэлээ" гэв.