Нийслэлд өнгөрсөн шөнөөс эхлэн хийн газны үнэр үнэртэж, иргэдийн толгой өвдөх, дотор муухайрах шинж тэмдэг илрээд буй. Үүнтэй холбоотой НОБГ болон холбогдох албаныхан шалгалтын ажил эхлүүлсэн гэдгийг мэдэгдээд байгаа юм. Тэгвэл уг асуудал “Очир дагинас” ХХК устгалд оруулах ёстой химийн бодисоо шугамын хоолой руу асгасан байж болзошгүй тул шалгаж эхэлсэн талаар эх сурвалжууд мэдээллээ.

Монгол Улсын хүнсний салбарт үйл ажиллагаа явуулдаг тус компани химийн хортой бодис хэрэглэж, хүнсний аюулгүй байдал алдагдсан эсэх талаар бид ХХААХҮ-ийн сайд Х.Болорчулуунаас тодрууллаа. Тэрбээр "Нийслэлд гарсан хийн үнэрийг төмрийн үйлдвэр шатсан учраас гарсан гэсэн мэдээлэлтэй байна. Очир дагинас ХХК-д үүссэн асуудлын талаар би мэдээлэл аваагүй байна. Энэ талаар маргааш албаны хяналтынхнаа ажлуулъя" гэлээ.