Монгол Улсын Ерөнхийлөгч У.Хүрэлсүх Бүгд Найрамдах Франц Улсад албан ёсны айлчлал хийж байна. Энэ үеэр Ерөнхийлөгч У.Хүрэлсүхэд ЮНЕСКО-гийн Ерөнхий захирал Одри Азулей бараалхаж, Онон Балж байгалийн цогцолборт газрыг ЮНЕСКО-гийн Шим мандал өв соёлд бүртгэх батламжийг гардуулжээ.

Энэ талаар Монгол Улсын Ерөнхийлөгчийн Гадаад бодлогын зөвлөх Э.Одбаяр “Бид НҮБ-ын Соёл боловсролын салбар болох ЮНЕСКО-гийн байранд зочиллоо. Энэ үеэр ЮНЕСКО-гийн Ерөнхий захирал Одри Азулей Монгол Улсын Ерөнхийлөгчид бараалхлаа. Уулзалтын үеэр  Ерөнхийлөгч У.Хүрэлсүх Онон Балж байгалийн цогцолборт газрыг ЮНЕСКО-гийн Шинэ мандал өв соёлд бүртгүүлэх тухай батламжийг гардаж авсан. Үүний дараа Ерөнхийлөгчид Францын Сонатын дарга бараалхна. Энэ нь хоёр орны парламент хоорондын асуудлаар санал солилцох чухал уулзалт болох юм.  Мөн Парис хотын Версалийн ордны Хааны театрт Морин хуурын чуулгын тоглолт анх удаа болох гэж байна. Энэ тоглолтод Францын өндөр дээд алба хаагчид болон Парис хотын удирдлагууд уригдсан. Энэ нь түүхэн тоглолт болно” гэлээ.