Б.ЭНХБАЯР: Согтуугаар тээврийн хэрэгсэл жолоодох зөрчлийг гэмт хэрэгт оруулахыг Засгийн газраас дэмжлээ

2023-10-11, 1507

Засгийн газрын хуралдаанаас гаргасан шийдвэрийг танилцууллаа.

Энэ үеэр Хууль зүй, дотоод хэргийн сайд Б.Энхбаяр “Хөдөлгөөний аюулгүй байдал буюу тээврийн хэрэгслийг согтуугаар жолоодох зөрчлийг гэмт хэрэгт оруулахыг Засгийн газрын хуралдаанаар дэмжлээ. Ингэхдээ дөрвөн сонголттойгоор гэмт хэрэгт тооцохоор шийдвэрлэлээ.

Согтуугаар тээврийн хэрэгсэл жолоодвол 1-3 жил хүртэл хугацаагаар жолоодох эрхийг хасаж, 450 мянгаас 2.7 сая төгрөгөөр торгох, эсвэл 240-720 цаг нийтэд тустай ажил хийлгэх, эсвэл зургаан сараас нэг жил хүртэлх хугацаагаар зорчих эрхийг хязгаарлах, эсвэл зургаан сараас нэг жил хүртэлх хугацаагаар хорих ял шийтгэхээр саналыг боловсрууллаа. Цаашлаад эдгээр зөрчлийг давтан гаргавал хүндрүүлэх бүрэлдэхүүнд оруулахаар тооцлоо. Ингэснээр хорих ялын хэмжээ хоёр жил хүртэлх хугацаагаар нэмэгдэнэ. Торгууль нь нэмэгдэнэ, зорчих эрх нь мөн нэмэгдэнэ.

Тээврийн хэрэгслийг жолоодох эрхийг хүнийг эрүүл мэндэд хүндэвтэр гэмтэл учруулбал 3-5 жил, хүнд хохирол учруулбал 5-8 жил, хүний амийг хохироовол бүх насаар тээврийн хэрэгсэл жолоодох эрхийг хасах юм. Үүнтэй холбоотойгоор гэмт хэргийн статистик мэдээлэл нэмэгдэнэ. Одоо байгаа статистик мэдээллийг авч үзвэл 2023 оны найман сарын байдлаар 43723 зөрчил бүртгэгдэж арга хэмжээ авсан байна. Сүүлийн таван жилийн дунджаар согтуугаар тээврийн хэрэгсэл жолоодсоны улмаас жилд дунджаар 110 хүн амиа алдсан байна. 2023 онд энэ тоо хоёр дахин буурсан байгаа” гэв.

Б.ЭНХБАЯР: Согтуугаар тээврийн хэрэгсэл жолоодох зөрчлийг гэмт хэрэгт оруулахыг Засгийн газраас дэмжлээ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 6

Сэтгэгдэл үлдээсэн: 2023-10-12 09:02:06

Явган зорчигч: Архинаас татгалзаж архины үйлдвэрүүдийг дампууруулья монголчууд аа
Сэтгэгдэл үлдээсэн: 2023-10-12 09:00:26

явган зорчигч: Болж байна. Ядаж архи уусан үедээ машин аа орхиод явган ,такси,дуудлагын жолооч дуудах байлгүй дээ
Сэтгэгдэл үлдээсэн: 2023-10-12 09:00:25

явган зорчигч: Болж байна. Ядаж архи уусан үедээ машин аа орхиод явган ,такси,дуудлагын жолооч дуудах байлгүй дээ
Сэтгэгдэл үлдээсэн: 2023-10-11 21:45:01

Морьтон: АРХИ ҮЙЛДВЭРЛЭХЭЭ л больчих.ХОРИГДОЖ БАЙХААР УНДАА ЖҮҮСЭЭ ууя да...кк
Сэтгэгдэл үлдээсэн: 2023-10-11 15:21:35

Зочин: Согтуугаар тээвэрийн хэрэгсэлсэл жолоодсон этгээдэд эрүүгийн хариуцлага хүлээлгэнэ гэдэг буруу. Түүнийхээ оронд архи согтууруулах ундаа үйлдвэрлэдэг үйлвэрээ, зардаг цэгээ багасгах, мөн урьд өмнө гаргасан хуулиудадаа хяналт сайн тавьдаг байхад л болно шүү.Хэрэв батлагддаг юмаа гэхэд шоронгоор дүүрэн согтуучууд цугларах бий дээ.
Сэтгэгдэл үлдээсэн: 2023-10-11 15:01:31

Bat: mash zuw ene hun nertei malnud torgulad yal ugud ehlehler gutraha bolino shde umhi lalarud amidrala yay gej bj uchihad mashin nertei tumri. sege bariad huni erul mend ami nasand ayul uchruldaga bolino… ene huli heregjwel 1-2 jilin dara buh zuil shan bolno