Ковидын үеэр засгийн газраас авч хэрэгжүүлсэн арга хэмжээний талаар УИХ-аас хяналт хийх, юу болж өнгөрсөн талаар олон нийтэд үнэн зөв мэдээлэл өгөх зайлшгүй шаардлагатай. Тухайн үед хүний эрхийг зөрчсөн олон тохиолдол гарснаас гадна эдийн засгийг сэргээх хөтөлбөр болон засгийн газрын худалдан авалтын хүрээнд олон маргаантай асуудал хөндөгдөж байсан. АН-ын бүлгийн гишүүд ковидын асуудлаар ерөнхий хяналтын сонсгол зохион байгуулах шийдвэр өнгөрсөн зургадугаар сард гарсан билээ.

Тэгвэл намрын чуулган эхэлснээс хойш тус сонсголд хөндлөнгийн шинжээч оруулах ажлын хэсгийн санал Эдийн засгийн байнгын хорооны хурлаар өчигдөр (2023.10.10) хэлэлцэгдэх ёстой байсан ч ирц хүрсэнгүй. Эрх баригчид шинжээч томилж өгөхгүй ковидын сонсголыг бойкотолж, сонсголыг үр дүнгүй болгохоор шийдсэн бололтой.

Товчхондоо, ковидын асуудлаар зохион байгуулах ерөнхий хяналтын сонсголыг явуулахгүй байх нөхцлийг санаатайгаар бүрдүүлж байна.