Нүүрсний хянан шалгах түр хорооны  хуралдаан өчигдөр боллоо. Энэ үеэр Түр хорооны дарга Х.Нямбаатар чөлөөлөгдөх хүсэлтэй гаргасан тул түүнийг чөлөөлж, тус хорооны даргаар УИХ-ын гишүүн Хууль зүйн сайд Б.Энхбаярыг сонголоо. 

Дээрх танилцуулгатай холбогдуулан УИХ-ын гишүүн Д.Ганбат, Хянан шалгах түр хорооны үйл ажиллагааны явцын талаар тодруулж, хариулт авлаа. Тус Хянан шалгах түр хороо шинжээчид, хянан шалгагчдаа томилж, нүүрсний экспорт хийдэг томоохон аж ахуйн нэгжүүдийн худалдан авалттай холбоотой материалуудыг татан авч, дүн шинжилгээ хийх, гэрээ хэлцэлүүдэд дүн шинжилгээ хийх, анх ашиглалтын лиценз олгогдсоноос хойш уулын ажлын төлөвлөгөөний дагуу нүүрсний олборлолтын үйл ажиллагаа явагдсан эсэх, уурхайн хөгжлийн төлөвлөгөөний дагуу үйл ажиллагаагаа явагдаж буй эсэх, нүүрсний тээвэртэй холбоотой гэрээ хэлцэл гэх таван чиглэлээр ажиллаж байгаа гэх мэдээллийг Х.Нямбаатар гишүүн өгсөн юм.

УИХ-ын дарга чуулганы нээлтийн үеэр нүүрсний сонсголыг энэ ондоо багтаан явуулах үүрэг өгсөн юм.