Хууль зүй, дотоод хэргийн сайд асан Х.Нямбаатар цаг үеийн асуудлаар мэдээлэл өглөө. Тэрбээр “2017 оны долдугаар сараас Эрүүгийн хуульд шинэ бүлэг нэмж, хүүхдийн эсрэг үйлдэх гэмт хэрэгт ялын бодлого чангатгасан.  Хууль зүй дотоод хэргийн сайдын албан тушаалаа хүлээлгэж өгчихсөн хэр нь хууль зүйн бодлого талаар яриад байх нь зохимжгүй. Хууль зүйн яаман дээр Эрүүгийн хууль, эрүүгийн процессын хууль дээр ял шийтгэлийн бодлогуудыг чангатгах төслүүд бий. Шинэ сайд ямар бодлого гаргах вэ гэдгээс цаашдын үйл хэрэг өрнөх байх. Би хийж байсан ажилтайгаа буцаад хутгалдахыг хүсдэггүй. зарчимтай. Б.Энхбаяр сайдад хуулийн төслүүдээ хүлээлгээд өгчихсөн.

     Би Үндсэн хуульд зааснаар аймаг нийслэлийн ИТХ-ын хурлаад намайг нэр дэвшүүлж, НИТХ-аар дэмжигдэж, Ерөнхий сайд батламжлаж байж Нийслэлийн Засаг дарга бөгөөд Улаанбаатар хотын захирагчаар ажиллана. Тэгэхээр эцэслээгүй улс төрийн шийдвр гаргасан байна. Мэдээж хамгий түрүүнд нийслэл хийх ажил нь бүтцийн асуудлыг цэгцэлнэ. Төрийн данхар бүтцийг багасгаж, урсгал зардлыг хэмнэх ёстой. Төр, хувийн хэвшлийн түншлэлийг сонгодог утгаар нь нийслэлд хөгжүүлнэ. Урсгал зардлаас хэмнэсэн хөрөнгийг газар чөлөөлөх ажилд зарцуулна. Хуулийн том баг энд хэрэгтэй. Нийслэлийн эрх зүйн байдлын тухай болон  түүнийг дагасан шийдвэрүүдийг боловсруулах хээгтэй. Хатуухан шийдвэрүүд гаргана. Энд сайн хуулийн баг хэрэгтэй. Тиймээс Хууль зүй дотоод хэргийн яаманд ажиллаж байгаа нөхдөө хамт гаргах асуудлыг ярина.

     Нийслэл анх удаа бонд гаргах гэж байна. Үүнийг юунд зарцаалах вэ гэдэг нь яухал. Нэгдүгээрт, Сэлбэ гол дагуух далан дагасан босоо зам санхүүжүүлэх, сургууль цэцэрлэгийн барилгын ажлыг дуусгахад зарцуулах юм билээ. Бондын мөнгө олгосон даруйд хүү бодогдож эхлэх учраас барилга угсралтын болон замын ажлыг хийхэд санхүүжилт шаардлагатай вэ гэдэг цаг үеэ харж байж хэзээ авахаа шийднэ байх. Одоохондоо ажлаа хүлээж аваагүй учраас хариуцсан хүмүүстэй санал солилцоогүй байна. Нийслэлп 1.7 хүн байгаа юм байна. Улаанбаатар хотын түгжрэл хэдээс хэдэн цагын хооронд хаана ачаалалтай байна вэ гэдэг тоон мэдээлэлтэй байна.

      Хамгийн түрүүнд Түгжрэлийн сайд Б.Дэлгэрсайхантай ярилцсан. Дизель хөдөлгүүртэй ногоон автобуснаас гадна цахилгаан автобуснууд үйлчилгээнд явж байгаа юм байна. Мөн гаалийн татвар төлөөгүй хэдэн автобус хил дээр гацсан байгаа гэж байна. Ер нь худалдан авах ажиллагааг яаж хууль эрх зүйн орчинд цуцлах вэ гэдгийг харж байж дараагийн автобусыг оруулж ирэх асуудлыг ярина. Нийтийн тээврийн оргил ачааллын үед автобус нэг дороо зэрэг түгжрээд байна. Тиймээс тогтмол хугацаанд яаж ирдэг болох талаарх мэдээлэл сонслоо.

     Цаашид нийслэлд хийх худалдан авах ажиллагаан дээр нууцлалтын зэрэг хэрэгжих боломжгүй гэсэн байр суурьтай байна. Худалдан авалтыг нээлттэй ил тод явуулах асуудлыг ярина. Мөн газрын асуудал, авлига хээл хахуулийг ил тод болгохын тулд яаж цахимжуулах вэ гэх мэтээр олон зүйлийг системтэй шийдэх хэрэгтэй юм байна. Зүгээр нэг косметик шийдвэр гаргаад засахад хэцүү байна” гэлээ.