УИХын чуулганы нэгдсэн хуралдаанаар хүүхэд хамгааллын асуудлаар мэдээлэл сонсож байна. Хэлэлцэж буй асуудалтай холбоотой УИХ-ын гишүүд асуулт асууж үг хэлж байна

УИХ-ЫН ГИШҮҮН С.ОДОНТУЯА:  2021 оны гуравдугаар сарын 1-нд эмэгтэй гишүүдийн бүлэглэлээс Хүүхэд хамгааллын хуульд өөрчлөлт оруулахаар өргөн мэдүүлээд хэлэлцэгдэх эсэх нь дэмжигдсэн. Гацаад байгаа асуудал нь Засгийн газраас энэ хууль орж ирнэ гээд цаг алдаад байна. Мөн 2022 онд Гэр бүлийн тухай хуульд өөрчлөлт оруулахаар өргөн мэдүүлсэн ч удаад байна. Одоогийн гэр бүлийн тухай хууль чинь 1992 оны хууль шүү дээ. Одоогийн харилцааг энэ хуулиар зохицуулаад байж блдлхгүй. Дээр нь хүүхдийн гэмт хэрэгт холбогдож байгаа этгээдүүдийн ялыг бодлогыг чангатгах хэрэгтэй. Энэ долдугаар сард хууль зүйн яам руу явуулсан. Хууль байгаа ч хэрэгжилт дээр алдаа гараад байна. Хүүхдийн байцаагч хэрэг гарахаас өмнө "шүгэл" үлээдэг баймаар байна.  Хүүхдийн эрхийг байцаагч нар хаана явна вэ. Сургууль, цэцэрлэгийн байшингуудыг газар хөдлөлтийн эсрэг төсөв хөрөнгө тавих хэрэгтэй. Хүчирхийлэлээс хамгаалах байрнууд дээр төсөв сайн тавьж өгмөөр байна. Дан хандиваар явж барилга барьж байна.

ХНХЯ-НЫ ХҮН АМЫН ХӨГЖЛИЙН ГАЗРЫН ХҮҮХЭД ЗАЛУУЧУУД АХМАД НАСТАН, ГЭР БҮЛИЙН ХӨГЖЛИЙН ХЭЛТСИЙН ДАРГА Н.БАЯРМАА: Хүүхдийн байцаагч нар ажлаа хийж байна. Улсын хэмжээнд зургаан ахлах байцаагч, 37 хүүхдийн эрхийн байцаагч ажиллаж байна. Мөн сүүлд хүүхдийн нэмэгдсэн мөнгөн тэтгэмжийн олголт дээр хүүхдийн эрхийг зөрчсөн, архидан согтуурсан, хаяж явсан дүгнэлт гаргасан. 2023 оны байдлаар 1100 гаруй хүүхдийн эрхийн зөрчил дээр дүгнэлт гаргасан. Хүүхдийн мөнгөн тэтгэмж дээр 700 гаруй хүүхдийн мөнгийг цуцалж, хүүхдийн дансанд байршуулсан байна.