УИХ-ын гишүүн Б.Дэлгэрсайханаас цаг үеийн асуудлаар мэдээлэл хийлээ.. Түүнийг МАН-ын УК-ийн хурлдаанаар Түгжрэл бууруулах үндэсний хорооны даргаар томилох шийдвэр гарсан юм. Тэрбээр энэ талаар "Одоохондоо төрийн шийдвэр гаргаагүй, улс төрийн шийдвэр гарсан байна. Ерөнхий сайдын зүгээс надад санал тавьсан. Улсаас өгч байгаа үүрэг гэж хүлээж авч байгаа. Шинэ хотын даргатай хамгийн ойр ажиллаж байж ажил урагштай байна.

Би цахим орчинд идэвхитэй бус. Нийслэлчүүдийг ойлгож ажиллахын төлөө байна. Нийслэлд 20 гаруй жил бизнес эрхлэсэн хүний хувьд ойлгож ажиллана гэж бодож байгаа. Би цар тахлын үед Замын-Үүд дээр тээвэр хийсэн жолооч нар ковид тараасан асуудлаар байр сууриа илэрхийлж байсан. Жолооч нарыг доромжилсон үг хэллэг хэлсэн гээд байгаа юм. Түүнийг сүр болгоод байх шаардлага байхгүй. Би хүнд ялархахгүй. Үүрэг өгсөн, хийж л таараа. Би татварыг дураараа нэмнэ, хасна гэж ярих эрх мэдэлтэй хүн биш. Хотын даргатай санал бодолтой байж ажлаа урагшлуулна. Хот бол аж ахуйн ажил. Хайруулын тавган дээр суучихлаа, гэхдээ би ялархахгүй. Харин бүтцийн хувьд тээврийн салбарынхантай уулзаж байж ажлаа төлөвлөнө гэж бодож байгаа. Би Их хурлын гишүүнээр ажлаад долоон жил болж байна. 2013 оноос хойш намайг шалгалаа. Дэлхийгээр шалгуулсан. Ямар нэг олсон юм байхгүй. Би сонгуульд зориулсан амлалт өгөхгүй. Ирээдүйг харсан том ажил эхлүүлнэ.