УИХ-ын дарга Г.Занданшатар хүүхдийн эрхийг хэрхэн хамгаалах талаар ярилаа. Тэрбээр “Сүүлийн үед хүүхдийн эрх зөрчигдөж буй асуудал онцгой анхаарал татаж байна. Өдөр бүр хүүхдийн эрх зөрчигдөж буй мэдээлэл гарах боллоо. Хүүхдийн эрхийн тухай хуулийн хэрэгжилт хангалтгүй байгаа нь дээрх жишээнүүдээр батлагдаж байна. Улсын төсвөөр хийсэн сургуулийн орчны камержуулалт яагаад хэрэгжихгүй байна вэ. Хүүхэд гэмт хэргийн золиос болж болохгүй. Тиймээс УИХ-ын гишүүд үүнд онцгой анхаарч, хүүхэд хамгааллын тогтолцоог сайжруулах нь чухал. Хүүхдэд ээлгүй улс байж болохгүй. Тэд бол улс эх орны маргааш юм. Тиймээс хүүхдийн эсрэг гэмт хэрэгт оноох ялыг чангатгах хэрэгтэй. Хүүхдийн асуудлаар маргааш сонсгол хийнэ” гэлээ.