ЗГХЭГ-ын дарга Д.Амарбаясгалан ногоон автобусны асуудалд Дарханы гишүүн хамааралтай гэх асуудлыг өнөөдөр мэдээлсэн. Тэрбээр энэ талаараа дэлгэрэнгүй тайлбар өглөө. Тэрбээр "Ногоон автобусны хэрэгт одоо Их хуралд сууж байгаа Дарханаас сонгогдсон гишүүд хамааралгүй. Тэнүүн-Огоо гэдэг компани хэзээ байгуулагдаж, хэзээнээс нийслэлийн дэмжлэг авч томорсон юм.

Тэр цаг үед байсан улстөрчид хэн бэ гэдгийг гаргах ёстой. Төрийн дэмжлэгтэй улс төрийн шийдвэрээр бизнес хийдэг. Бизнес эрхлэгчдийн 75 орчим хувь нь төрийн шийдвэр гаргаж, бизнес хийдэг байдал бий болсон. Тиймээс Ерөнхий сайд Засгийн газрын зүгээс ижил тэнцүү өрсөлдөөн бий болгоё, чөлөөт зах зээлийн өрсөлдөөн бий болгоно гэж зорьж байгаа юм. Нийтийн тээврийн асуудалд төр оролцдог байдлыг татгалзах үүднээс автобус баазуудад уулзаж, манай өрөөнд хуралдсан нь энэ. Харамсалтай нь, шууд худалдан авах ажил руугаа орчихсон. Бид олон тооны автобус худалдан авах боломжгүй. Харин худалдан авах урьдчилгааг гаргах, зээл хөнгөлөлтөөр авч өгөх боломжийг өгч болно.